उपत्यकाका १५ पानीपोखरी अत्याधुनिक प्रणालीमार्फत सञ्चालन, मेलम्ची पनि जोडियो

पूर्वाधार

गृहपृष्ठ
पूर्वाधार

उपत्यकाका १५ पानीपोखरी अत्याधुनिक प्रणालीमार्फत सञ्चालन, मेलम्ची पनि जोडियो

क्यापिटल नेपालबुधबार, चैत ६, २०८१

काठमाडौं। आयोजना कार्यान्वयन निर्देशनालयले काठमाडौं उपत्यकाका विभिन्न स्थानमा रहेका १५ वटा पानीपोखरीको व्यवस्थापन अत्याधुनिक प्रणालीमार्फत गर्ने भएको छ।

काठमाडौं उपत्यकाका अग्ला र होचा स्थानमा रहेका पानीपोखरीबाट प्रवाह हुने मेलम्चीको पानी समानुपातिक किसिमले वितरण गर्न निर्देशनालयले बिच्छ्याएका नयाँ वितरण सन्जालका पाइपलाइनको सञ्चालनसमेत सोही प्रणालीमार्फत गर्ने व्यवस्था मिलाइएको छ।

सोही व्यवस्थाअनुसार काठमाडौं उपत्यका खानेपानी लिमिटेडको पानीपोखरीस्थित शाखा कार्यालयमा निर्माण गरिएको नियन्त्रण कक्षबाट अत्याधुनिक प्रणालीमार्फत पानीपोखरीको व्यवस्थापन र वितरण सन्जालको सञ्चालन गर्न थालिएको हो।

अत्याधुनिक प्रणालीमार्फत मेलम्चीको पानीको आपूर्तिसम्बन्धी विवरणसहितको प्रत्यक्ष जानकारी लिमिटेडको केन्द्रीय कार्यालय, त्रिपुरेश्वरबाट समेत लिन सकिने व्यवस्था गरिएको जनाइएको छ।

अत्याधुनिक प्रणालीमार्फत उपत्यकाका १५ वटै पानीपाखरीमा पानीको धमिलोपना र क्लोरिन कन्टेन्ट परीक्षण गरी गुणस्तर मापन गर्ने व्यवस्था गरिएको छ।

यस्तै, नमुनाका रूपमा चःमती र अनामनगर क्षेत्रका उपभोक्ताका घरमा जडान गरिएका धारामा स्वचालित विद्युतीय मिटर जडान समेत गरिएको आयोजनाका उपनिर्देशक एवं प्रवक्ता चन्द्रकुमार श्रेष्ठले जानकारी दिए।

प्रकाशित मिति: बुधबार, चैत ६, २०८१ ०६:५१

प्रतिक्रिया दिनुहोस्