ट्रकमा २५ करोड बोकेर चीन जाँदै गरेका कुसाङसँग कहाँबाट आयो पैसा?

समाज

गृहपृष्ठ
समाज

ट्रकमा २५ करोड बोकेर चीन जाँदै गरेका कुसाङसँग कहाँबाट आयो पैसा?

क्यापिटल नेपालमंगलबार, चैत ५, २०८१

काठमाडौं। ट्रकमा २५ करोडभन्दा बढी रकम बोकेर सुन किन्न हिँडेका ४३ वर्षीय कुसाङ लामालाई प्रहरीले सार्वजनिक गरेको छ। उनको साथबा प्रहरीले अमेरिकी डलर तथा युरोसहित २५ करोड एक लाखभन्दा बढी रकम फेला पारेको थियो।

सिन्धुपाल्चोकको भोटेकोशी गाउँपालिका १ घर भई काठमाडौंको गोकर्णेश्वर नगरपालिका ३ मा बस्दै आएका लामा सोमबार राति टोखाबाट पक्राउ परेका थिए। उनले ट्रकको सिटमुनि फल्स बटम बनाएर डलर र युरो चीन तस्करी गरी सुन ल्याउन लागेको काठमाडौं अपराध अनुसन्धान कार्यालयले जनाएको छ।

प्रहरीले १३ लाख ७५ हजार १५० युरोका साथै तीन लाख २० हजार ८५० अमेरिकी डलर बरामद गरेको हो। पक्राउ परेका लामाको साथबाट २०७३ सालमा ७ किलो सुन बरामद गरिएको थियो। उनी सुन तस्करीमा पक्राउ परेपछि पाँच वर्ष जेल बसेर छुटेका थिए।