गृहमन्त्रीले गरे आईजीपी कुँवरको बिदाइ

समाज

गृहपृष्ठ
समाज

गृहमन्त्रीले गरे आईजीपी कुँवरको बिदाइ

क्यापिटल नेपालसोमबार, चैत ४, २०८१

काठमाडौं। गृहमन्त्री रमेश लेखकले सेवा निवृत्त हुन लागेका प्रहरी महानिरीक्षक (आईजीपी) वसन्तबहादुर कुँवरलाई बिदाइ गरेका छन्। आफ्नो कार्यकाल सफलताको साथ सम्पन्न गरी सेवा निवृत्त हुन लागेका उनलाई गृहमन्त्री बधाई दिँदै सेवा निवृत्तको बधाई दिए।

सेवा निवृत्त हुन लागेका आईजीपी कुँवरले राज्यले सुम्पेको जिम्मेवारी निष्ठापूर्वक, व्यावसायिक एवम् इमानदारीपूर्वक सम्पन्न गरेको चर्चा गर्दै उनले आगामी दिनमा पनि आवश्यकता अनुरूप राष्ट्रका लागि थप काम गर्ने अवसर प्राप्त गर्ने विश्वास व्यक्त गरे।

कार्यक्रममा गृहसचिव गोकर्णमणि दुवाडीले मुलुकको शान्ति, सुरक्षाको सुनिश्चितता गर्ने प्रहरी संगठन प्रमुखको महत्त्वपूर्ण र गरिमामय पदमा रही मुलुकका लागि पुर्‍याएको योगदानको प्रशंसा गरेका थिए।

यस अवसरमा आईजीपी कुँवरले प्रहरी निरीक्षकदेखि प्रहरी महानिरीक्षक पदसम्मको यात्रा सम्पन्न गरी आज बिदाइ हुँदै गरेको क्षणलाई सम्मान र गौरवको रूपमा लिएको बताए। उनी भोलिबाट सेवा निवृत्त हुने छन्।

प्रकाशित मिति: सोमबार, चैत ४, २०८१ १९:१२

प्रतिक्रिया दिनुहोस्