रुस-युक्रेन युद्ध रोक्न ट्रम्प र पुटिन छलफल गर्ने, युद्धग्रस्त भूमि के हुन्छ?

अन्तर्राष्ट्रिय

गृहपृष्ठ
अन्तर्राष्ट्रिय

रुस-युक्रेन युद्ध रोक्न ट्रम्प र पुटिन छलफल गर्ने, युद्धग्रस्त भूमि के हुन्छ?

क्यापिटल नेपालसोमबार, चैत ४, २०८१

काठमाडौं। अमेरिकी राष्ट्रपति डोनाल्ड ट्रम्पले युक्रेनमा जारी युद्ध अन्त्यका लागि रुसी समकक्षी भ्लादिमिर पुटिनसँग कुरा गर्ने योजना रहेको बताएका छन्। अमेरिकी अधिकारीले साउदी अरबमा भएको वार्तापछि वासिङ्टनले युद्ध रोक्ने प्रस्ताव गरेसँगै युक्रेन-रुसबीच युद्धविराम सम्झौता हुन सक्ने आशा व्यक्त गरेका थिए।

'मलाई लाग्छ कि हामी युक्रेनी भूमि, विद्युत् गृहबारे कुरा गर्ने छौँ,' ट्रम्पले एयर फोर्स वनमा पत्रकारसँगको कुराकानीमा भने, 'मलाई लाग्छ, युक्रेन र रूस दुवै पक्षबीच यस विषयमा धेरै छलफल भइसकेको छ। हामी पहिलो पटक यसबारे कुरा गर्दै छौँ। केही जमिनमाथिको दाबीबारे टुंगो लगाउने विषयमा छलफल गर्दै छौँ।'

वासिङ्टन र किएभका युरोपेली सहयोगीले मस्कोलाई युद्ध रोक्न दबाब दिइरहेका छन्। तर, पुटिनले यसबारे कुनै स्पष्ट जवाफ दिएका छैनन्। उनले शर्तहरूको शृङ्खला सूचीबद्ध गर्दै अमेरिकी प्रस्तावमाथि ‘गम्भीर प्रश्न’ उठाएका छन्।

केही दिनअघि पुटिनसँग भेटवार्ता गरेका ट्रम्पका दूत स्टिभ विटकोफले सीएनएनसँगको कुराकानीमा भनेका थिए, 'दुई राष्ट्रपतिबीच यो साता निकै राम्रो र सकारात्मक छलफल हुनेछ।'

युक्रेनका राष्ट्रपति भोलोदिमिर जेलेन्स्कीले युद्ध विराममा सहमत हुनुअघि मस्कोले पहिले ‘युद्धभूमिमा आफ्नो स्थिति सुधार्न’ चाहेको बताए।

प्रकाशित मिति: सोमबार, चैत ४, २०८१ १६:२३

प्रतिक्रिया दिनुहोस्