भारतबाट ९० हजार मेट्रिक टन गहुँ आयात, सात कम्पनी छानिए

उद्योग

गृहपृष्ठ
उद्योग

भारतबाट ९० हजार मेट्रिक टन गहुँ आयात, सात कम्पनी छानिए

क्यापिटल नेपालसोमबार, चैत ४, २०८१

काठमाडौं। उद्योग, वाणिज्य, आपूर्ति तथा उपभोक्ता संरक्षण विभागले व्यापारिक प्रयोजनका लागि भारतबाट ९० हजार मेट्रिक टन गहुँ आयात गर्न सात व्यापारिक कम्पनी छनोटमा परेको जनाएको छ।

विभागले गहुँ आयातका लागि ५९ वटा व्यापारिक कम्पनीको आवेदन परेकामा सात कम्पनीलाई छनोट गरिएको जनाएको हो।
नेपाललाई कोटा सुविधाअन्तर्गत भारतले उपलब्ध गराउने २०० मेट्रिक टनमध्ये ९० हजार मेट्रिक टन गहुँ आयात गर्न विभागले यी कम्पनी छनोट गरेको हो।

छनोट पर्नेमा काठमाडौं कालीमाटीस्थित विशाल ट्रेड लिंक, कुलेश्वरस्थित श्यामबाबा इन्टरप्राइजेज र गुञ्जेश्वरी ट्रेड लिंक रहेका छन्। यस्तै, वीरगन्जस्थित जोश नेपाल ट्रेडर्स, कैलालीस्थित मन्सा इन्टरनेसनल एवं काठमाडौं डिल्लीबजारको दुर्गा ब्रदर्स कन्सर्न र ज्ञान इन्टरप्राइजेजलाई विभागले छनोट गरेको छ।

छनोटमा परेका प्रत्येक कम्पनीले ३ हजार टनका दरले गहुँ आयात गर्न पाउनेछन्। कम्पनीले भारतको नेसनल को–अपरेटिभ एक्स्पोर्ट लिमिटेडबाट कोटा प्राप्त भएको मितिले तीन महिनाभित्र आयात गरिसक्नुपर्नेछ।

अनुमति प्राप्त कम्पनीले गहुँ आयात गर्न नसक्ने भए अनुमति पाएको मितिले १५ दिनभित्र विभागलाई जानकारी दिनुपर्नेछ।

प्रकाशित मिति: सोमबार, चैत ४, २०८१ ११:०७

प्रतिक्रिया दिनुहोस्