प्रतिनिधिसभा बैठक बस्दै, दुई विधेयक पेस गर्ने कार्यसूची

राजनीति

गृहपृष्ठ
राजनीति

प्रतिनिधिसभा बैठक बस्दै, दुई विधेयक पेस गर्ने कार्यसूची

क्यापिटल नेपालसोमबार, चैत ४, २०८१

काठमाडौं। प्रतिनिधिसभा बैठक आज पनि बस्दै छ। बैठक बिहान ११ बजे संसद् भवन नयाँ बानेश्वरमा बस्ने संसद् सचिवालयले जनाएको छ।

बैठकमा प्रधानमन्त्री केपी शर्मा ओलीका तर्फबाट ‘सुशासन प्रवर्द्धन तथा सार्वजनिक सेवा प्रवाहसम्बन्धी केही नेपाल ऐनलाई संशोधन गर्ने विधेयक, २०८१ माथिको दफावार छलफलका साथै पारित गरियोस्’ भन्ने प्रस्ताव प्रस्तुत गर्ने कार्यसूची छ।

यस्तै, भूमि व्यवस्था सहकारी तथा गरिबी निवारणमन्त्री बलराम अधिकारीले ‘सहकारीसम्बन्धी केही नेपाल ऐनलाई संशोधन गर्ने विधेयक १०८१ माथिको दफावार छलफल गरी पारित गरियोस्’ भन्ने प्रस्ताव प्रस्तुत गर्नेछन्।

यसअघि सरकारले ल्याएका विभिन्न ५ वटा अध्यादेशलाई प्रतिस्थापन गर्ने विधेयकमाथि विचार गरियोस् भन्ने प्रस्ताव प्रतिनिधिसभाबाट बहुमतले स्वीकृत भइसकेका छन्।

प्रकाशित मिति: सोमबार, चैत ४, २०८१ ०९:१३

प्रतिक्रिया दिनुहोस्