प्रभु बैंकको मुक्तिनाथ मन्दिरमा भीम युपीआई सेवा, भारतीय भक्तजनलाई विशेष सुविधा

बैंकिङ

गृहपृष्ठ
बैंकिङ

प्रभु बैंकको मुक्तिनाथ मन्दिरमा भीम युपीआई सेवा, भारतीय भक्तजनलाई विशेष सुविधा

क्यापिटल नेपालआइतबार, चैत ३, २०८१

काठमाडौं। प्रभु बैंकले मुस्ताङ्गको मुक्तिनाथ मन्दिरमा भीम युपीआई सेवा सुरु गरेको छ। बैंकले उक्त मन्दिर परिसरमा आयोजना गरेको एक विशेष समारोहका बिच नेपाल राष्ट्र बैंकका गभर्नर महाप्रसाद अधिकारीमार्फत भीम युपीआई सेवा सुरु गरिएको हो।

उक्त सेवाको सुरुवातसँगै भारतका नागरिकहरूले आफ्नो बैंक खाताबाट भीम युपीआईमार्फत क्युआर स्क्यान गरी मुक्तिनाथ मन्दिरमा भेटी, दान, दक्षिणा तथा अन्य भुक्तानी गर्न सक्ने बैंकले जनाएको छ।

मुक्तिनाथ मन्दिरमा आउने भारतीय भक्तजनलाई डिजिटल माध्यमबाट सरल, सुरक्षित र सहज भुक्तानी गर्ने सुविधा प्रदान गरिएको उल्लेख गर्दै बैंकले नेपाल–भारत वित्तीय सम्बन्धलाई थप सुदृढ बनाउने विश्वास व्यक्त गरेको छ।

उक्त सेवाले क्रस बोर्डर डिजिटल भुक्तानीलाई प्रोत्साहन गर्ने महत्त्वपूर्ण प्रयास भएको बताउँदै बैंकले भारत र नेपालको वित्तीय सहकार्यलाई नयाँ उचाइमा पुर्याउने अपेक्षा गरेको छ।

प्रकाशित मिति: आइतबार, चैत ३, २०८१ १२:००

प्रतिक्रिया दिनुहोस्