स्यूचाटारमा भिषण आगलागी, १५ लाख बराबरको क्षति

समाज

गृहपृष्ठ
समाज

स्यूचाटारमा भिषण आगलागी, १५ लाख बराबरको क्षति

क्यापिटल नेपालआइतबार, चैत ३, २०८१

काठमाडौं। नागार्जुन नगरपालिका–७ स्युचाटारस्थित एक कच्ची घरमा भिषण आगलागी भएको छ। गएराति स्थानीय कृष्णहरि श्रेष्ठको एकतलाको जस्ताको टहरामा आगलागी भएको हो।

आगो रातिनै बजे नियन्त्रणमा आएको जिल्ला प्रहरी परिसर काठमाडौंका प्रवक्ता प्रहरी उपरीक्षक अपिल बोहराले जानकारी दिए। उनका अनुसार साँघुरो ठाउँ भएकाले ठूलो दमकल छिर्न नसक्दा आगो निभाउन कठिनाई भए पनि चन्द्रागिरि नगरपालिका र ललितपुर महानगरपालिकाको सानो दमकलको सहयोगमा सुरक्षाकर्मी र स्थानीयले आगो निभाएका हुन्। अन्य विभिन्न क्षेत्रका थप चारवटा दमकल आए पनि सडक फराकिलो नहुँदा त्यहाँ जान सकेन।

उक्त आगालगीमा १५ लाख बराबरको क्षति अनुमान गरिएको छ । आगो निभाउन कालिमाटी प्रहरी वृत्तका प्रमुख रुपक खड्काको नेतृत्वमा टोली खटाइएको थियो। स्वम्भू वृत्तका प्रहरी टोलीसमेत परिचालन भएको थियो ।