च्याउ खाँदा व्यासनगरका दस जना बिरामी, दमौली अस्पतालमा उपचार हुँदै

समाज

गृहपृष्ठ
समाज

च्याउ खाँदा व्यासनगरका दस जना बिरामी, दमौली अस्पतालमा उपचार हुँदै

क्यापिटल नेपालशनिबार, चैत २, २०८१

तनहुँ। च्याउ खाँदा तनहुँको व्यास नगरपालिका–६ शान्तिटोलका दस जना बिरामी भएका छन्। म्याग्दे गाउँपालिका–६ सर्वलाङका ३० वर्षीय नारायण मगरले बारीमा उम्रिएको च्याउ शान्तिटोलस्थित मामाघारमा लगेर पकाएर खाँदा दस जना बिरामी भएका हुन्।

बिरामी हुनेमा व्यास नगरपालिका–६ का गुरुबहादुर पुलामी, सुरेन्द्रबहादुर पुलामी, नारायण मगर, पवित्रा मगर, तिलबहादुर थापा मगर, चक्रबहादुर पुलामी, आरती पुलामी, केशव पुलामी, सीता पुलामी र चार वर्षीय सविन पुलामी रहेको जिल्ला प्रहरी कार्यालय तनहुँका प्रहरी निरीक्षक विकास पासवानले जानकारी दिए।

उनका अनुसार शुक्राबार साँझ उनीहरूले च्याउ खाएका थिए। बिरामी सबैको प्रदेश अस्पताल दमौलीमा उपचार भइरहेको छ भने अवस्था खतरामुक्त रहेको प्रहरी जनाएको छ।–रासस

प्रकाशित मिति: शनिबार, चैत २, २०८१ १३:४७

प्रतिक्रिया दिनुहोस्