विद्युत नियमन आयोगकी नवनियुक्त सदस्य भागिरथीले लिइन् सपथ

प्रविधि

गृहपृष्ठ
प्रविधि

विद्युत नियमन आयोगकी नवनियुक्त सदस्य भागिरथीले लिइन् सपथ

क्यापिटल नेपालशुक्रबार, चैत १, २०८१

काठमाडौं। विद्युत नियमन आयोगकी नवनियुक्त सदस्य भागिरथी भट्टराई ज्ञवालीले सपथ लिएकी छन्। ऊर्जा,जलस्रोत तथा सिँचाइमन्त्री दीपक खड्काको उपस्थितीमा उनले मन्त्रालयमा सपथग्रहण गरेकी हुन्।

फागुन २६ गते बसेको मन्त्रीपरिषद्को बैठकले आयोगको सदस्यमा नियुक्ति उनलाई विद्युत नियमन आयोगका अध्यक्ष रामप्रसाद धितालले सपथग्रहण गराएको बताइएको छ।

यसअघि २०७६ देखि २०८१ बैशाखसम्म सोही आयोगको सदस्यमा कार्यरत भट्टराईले आज दोस्रो कार्यकालका लागि सपथ लिएकी हुन्।आयोग स्थापनाकालमा सदस्य भएकी भट्टराईले सोही समयमा विद्युतको उपभोक्ता हक, हित र संरक्षण समितिको संयोजकका रुपमा काम गरेकी थिइन्।

सपथग्रहण समारोहमा बोल्दै उर्जा, जलस्रोत तथा सिँचाइमन्त्री दीपक खड्काले ढिलै भएपनि नियमन आयोगले पूर्णता पाएको भन्दै उत्पादन बढ्दै जाँदा नियमनकारी निकायको जिम्मेवारी समेत बढ्दै गएको उल्लेख गरे।

प्रकाशित मिति: शुक्रबार, चैत १, २०८१ १५:०१

प्रतिक्रिया दिनुहोस्