जगदम्बा मोटर्स–भारतीय दूतावास सहकार्य, फरक क्षमताकालाई पाँच वटा टिभीएस स्कुटर हस्तान्तरण

कर्पोरेट बजार

गृहपृष्ठ
कर्पोरेट बजार

जगदम्बा मोटर्स–भारतीय दूतावास सहकार्य, फरक क्षमताकालाई पाँच वटा टिभीएस स्कुटर हस्तान्तरण

क्यापिटल नेपालशुक्रबार, चैत १, २०८१

काठमाडौं। जगदम्बा मोर्टसले समावेशिता र पहुँच प्रवर्द्धन उद्देश्यसहित भारतीय दूतावाससँगको सहकार्यमा अपांगता भएका व्यक्तिलाई पाँच वटा टिभीएस एनटर्क स्कुटर हस्तान्तरण गरेको छ। स्कुटर हस्तान्तरणका लागि आयोजित कार्यक्रम भारतीय राजदूतावास कल्याण केन्द्र सोह्रखुट्टेमा सम्पन्न भएको थियो।
उक्त अवसरमा भारतीय दूतावासका मेजर नवीन जानु, एसएम असिस्टेन्ट मिलिटरी, टिभीएस मोटर कम्पनीका प्रतिनिधिलगायत उपस्थित थिए।
हस्तान्तरित विशेष स्कुटरमार्फत फरक क्षमता भएकाले स्वतन्त्रतापूर्वक आउजाउ गर्न सक्ने कम्पनीले बताएको छ।

यो पहलले विश्वसनीय, उच्च प्रदर्शन क्षमतायुक्त, सुविधासम्पन्न स्कुटर उपलब्ध गराएर चुनौती समाधान गर्न थोरै मात्र भए पनि सघाउने उद्देश्य बोकेको छ।

जगदम्बा मोटर्सले सामाजिक उत्तरदायित्वलाई पहिलो प्राथमिकतामा राख्दै आएको छ। कम्पनीले समुदायलाई सशक्त पार्ने तथा नवीनतम गतिशील समाधान उपलब्ध गराउने उद्देश्यसहित विभिन्न सामाजिक कार्यमा सक्रिय रूपमा संलग्न रहँदै आएको जगदम्बा मोटर्सका कार्यकारी निर्देशक अखिल गुप्ताले बताए।

प्रकाशित मिति: शुक्रबार, चैत १, २०८१ ११:१८

प्रतिक्रिया दिनुहोस्