हिमाली तथा पहाडी जिल्लामा हर्षोल्लासका साथ होली मनाइँदै

समाज

गृहपृष्ठ
समाज

हिमाली तथा पहाडी जिल्लामा हर्षोल्लासका साथ होली मनाइँदै

क्यापिटल नेपालबिहीबार, फागुन २९, २०८१

काठमाडौं। आज रङहरुको पर्व होली मनाइँदै छ। फागुन शुक्ल पूर्णिमाका दिन यो पर्व मनाउने गरिन्छ। आज देशको हिमाली तथा पहाडी जिल्लामा हर्षोल्लासका साथ होली मनाइँदै छ।

होली अर्थात फागु पर्व परम्परागतरूपमा विभिन्न रङ र लोला खेली मनाउने प्राचीन परम्परा छ। हिमाल र पहाडमा आज होली मनाइने भए पनि तराईंका जिल्लाहरुमा भने भोलि भव्यताका साथ मनाइन्छ।

यस्तै, काठमाडौं उपत्यकास्थित वसन्तपुरमा सामूहिकरूपमा होली खेल्ने गरिन्छ। नेपाली र विदेशीसमेत वसन्तपुरको होलीमा सहभागी हुने गरेका छन्।

हिन्दू धार्मिक कथनअनुसार युवावस्थाका कृष्णले एक दिन झुक्याएर राधाको मुहारमा रङ दलिदिएछन्। रङ लगाउँदा भागदौड भएछ। यो गतिविधि सबैले रमाइलो मान्न थालेर होली पर्व मनाउन थालिएको किंवदन्ती छ। अर्को जनश्रुति विष्णुका भक्त प्रह्लादसँग पनि जोडिएको छ। सत्यको विजय र असत्यको नाश भएको उत्सवका रूपमा होली पर्व मनाइने गरिएको मानिन्छ।

प्रकाशित मिति: बिहीबार, फागुन २९, २०८१ ०७:००

प्रतिक्रिया दिनुहोस्