उद्योग क्षेत्र समृद्धिको बाटोमा रहेको उद्योगमन्त्रीको दाबी

उद्योग

गृहपृष्ठ
उद्योग

उद्योग क्षेत्र समृद्धिको बाटोमा रहेको उद्योगमन्त्रीको दाबी

क्यापिटल नेपालबुधबार, फागुन २८, २०८१

काठमाडौं। उद्योग, वाणिज्य तथा आपूर्तिमन्त्री दामोदर भण्डारीले उद्योग क्षेत्र यतिबेला समृद्धितर्फ उन्मूख रहेको दाबी गरेका छन्। मेरो अटोले आज आयोजना गरेको अटोमोटिभ कनक्लेभ–२०८१ को उद्घाटनमा उनले यस्तो बताएका हुन्।

आर्थिक सुधारका पक्षमा सरकार दृढताका साथ लागिपरेको उल्लेख गर्दै उनले उद्योग क्षेत्रलाई समृद्धिको बाटोमा ल्याइरहेको जिकिर गरे। सरकारले निजी क्षेत्रलाई विशेष प्राथमिकतामा राखेको जनाउँदै मन्त्री भण्डारीले अर्थतन्त्रमा देखिएका समस्या समाधानमा सरकार केन्द्रित रहेको बताए।

नयाँ बजेटको छलफल शुभारम्भ भएको जनाउँदै उनले उद्योग मन्त्रालयको नीतिगत सुधारका लागि र निजी क्षेत्रको सुधारका लागि अर्थ मन्त्रालयबाट बजेट माग गरिने उल्लेख गरे।

प्रकाशित मिति: बुधबार, फागुन २८, २०८१ १३:०७

प्रतिक्रिया दिनुहोस्