काठमाडौं। ह्वावे डिजिटल पावर नेपालले दिगो हरित ऊर्जा समाधान केन्द्रित कार्यक्रम सौर्य पीभी र ऊर्जा भण्डारण संवादको आयोजना गरेको छ। काठमाडौंको हात्तीसारस्थित ह्वावे प्रदर्शनी केन्द्रमा आयोजित यस विशेष कार्यक्रमले नेपालको ऊर्जा, व्यावसायिक र औद्योगिक क्षेत्रका ८० भन्दा बढी प्रभावशाली सरोकारवालालाई एकै ठाउँमा ल्याएको छ।
नेपाल उद्योग परिसंघ (सिएनआई)सँगको संयुक्त सहकार्यमा आयोजना गरिएको यस कार्यक्रमले नेपालको ऊर्जा परिदृश्यलाई रूपान्तरण गर्न, देशलाई ग्रिनर र दिगो भविष्यतर्फ डोऱ्याउन सौर्य फोटोभोल्टिक प्रणाली र ऊर्जा स्टोरेज समाधानको सम्भावना अन्वेषण गर्न विशेष प्लेटफर्म प्रदान गरेको छ।
यस कार्यक्रमलाई नेपाल उद्योग परिसंघ, वैकल्पिक ऊर्जा प्रवर्द्धन केन्द्र, ऊर्जा नियामक आयोग लगायत समेत आयोजक रहेको यस कार्यक्रमलाई नेपालको औद्योगिक ऊर्जा क्षेत्रको विकास प्रति प्रतिबद्धता देशको दिगो भविष्यमा संक्रमणको लागि महत्त्वपूर्ण मानिएको छ।
कार्यक्रममा अतिथि वक्ताहरूले छलफलमा आफ्ना बहुमूल्य विचार व्यक्त गरेका थिए। वक्तामा ह्वावे नेपालका सीईओ जिम हुआङ, ऊर्जा विकास परिषदका अध्यक्ष आशिष गर्ग, ह्वावे नेपाल डिजिटल पावर विभागका निर्देशक जेम्स झाङ, वैकल्पिक ऊर्जा प्रवर्द्धन केन्द्रका उपनिर्देशक शुभलक्ष्मी श्रेष्ठ, एनएमबी बैंकमा दिगो ऊर्जा बैंकिङका प्रमुख दिनेश दुलाल, विद्युत नियमन आयोगका सदस्य डा. मधुसूदन अधिकारी, टोङवेईका प्राविधिक विज्ञ ग्यारी र शिव शक्ति समूह, डिजेपीएल समूह र चौधरी समूह जस्ता अग्रणी उद्योगहरूका प्रबन्ध निर्देशकहरू थिए।
कार्यक्रमले सौर्य पीभी र ऊर्जा भण्डारणको नवीनतम प्रवृत्तिदेखि नेपालमा यी प्रविधिहरूको व्यावहारिक अनुप्रयोगहरू सम्मका प्रमुख विषयहरूलाई समेटेर छलफल गरेको थियो। वक्ताहरूले यी समाधानले उद्योगहरूलाई कसरी डिकार्बोनाइज गर्न, ऊर्जा लागत घटाउन र दिगो अभ्यासलाई प्रवर्द्धन गर्न मद्दत गर्न सक्छन् भन्नेबारे गहन दृष्टिकोण प्रदान गरेका थिए।
कार्यक्रममा ह्वावेले आफ्नो नवीनतम आविष्कार, ह्वावे फ्युजन सोलार सी एन्ड आई ओएसिस सोलुसन, जसमा १ सीर१५० के र २१५र१०८ केडब्लुएच सी एण्ड आई ब्याट्री इनर्जी स्टोरेज सिस्टम (बिइएसएस) पनि अनावरण गरेको थियो। आधिकारिक सुरुवात ह्वावे नेपालका सीईओ जिम हुआङ, हुवावे नेपालका प्रमुख प्राविधिक अधिकृत लिक्सियाओवेई र ह्वावे दक्षिण एसिया डिजिटल पावर बिजनेस डिपार्टमेन्टका प्रबन्ध निर्देशक निक्सियाओपेङको नेतृत्वमा भएको थियो।
यी उन्नत समाधान नेपाली उद्योगहरूलाई ऊर्जा लागत घटाउन र उनीहरूको बिजुली आपूर्तिको विश्वसनीयता सुधार गर्न मद्दत गर्न डिजाइन गरिएको हो। यसका अतिरिक्त फ्युजनसोलार सी एन्ड आई ओएसिस स्मार्ट पीभी र ईएसएस सोलुसन प्रस्तुत गरिएको थियो। जसले शपिङ मल, कारखाना र कार्यालय पार्क जस्ता व्यावसायिक र औद्योगिक एप्लिकेसनका लागि बढेको सुरक्षा सुविधाहरू प्रदान गर्दछ। यी आविष्कारहरू कार्बन उत्सर्जन घटाउन र कम कार्बन, सर्कुलर अर्थतन्त्र निर्माणमा योगदान पुर्याउने विश्वव्यापी प्रयासहरूलाई सहयोग गर्ने गरि गरिएको छ।
आफ्नो स्वागत भाषणमा ह्वावे नेपालका प्रमुख कार्यकारी अधिकृत जिम हुआङले भने, 'हामीलाई ऊर्जाको भविष्यलाई आकार दिन नेपालले राखेको अविश्वसनीय सम्भावनाको सम्झना गराइयो। हामीसँगै यो यात्रा सुरु गर्दा हामी सहकार्य र नवीनतामार्फत हामी दिगो समाधान प्रयोग गर्न सक्छौँ। कार्बन फुटप्रिन्टहरू कम गर्न सक्छौँ र ग्रिनरी डिजिटल रूपमा सशक्त ऊर्जा पारिस्थितिक प्रणाली निर्माण गर्न सक्छौँ भन्नेमा स्पष्ट थियौँ।'
नेपाली उद्योग परिसंघका ऊर्जा विकास परिषद्का अध्यक्ष आशिष गर्गले नेपालको औद्योगिक क्षेत्रमा दिगो ऊर्जा संक्रमणको आवश्यकतामाथि प्रकाश पार्दै भने, 'नेपालको औद्योगिक क्षेत्रको भविष्य कुशल मात्र नभई दिगो हुने ऊर्जा समाधानहरू अपनाउने कुरामा निर्भर गर्दछ। सौर्य ऊर्जा, ऊर्जा भण्डारण समाधानहरू र हरित उत्पादन उत्पादन गर्न नेपाली उद्योगको डिकार्बोनाइजेशन यस रूपान्तरणको प्रमुख हुनेछ। जसले नेपालको स्वच्छ ऊर्जा लक्ष्यमा योगदान पुर्याउँदै उद्योग फस्टाउन सक्छन्।'
उनले नेपाली उद्योगलाई डिकार्बोनाइज गर्नु केवल वातावरणीय जिम्मेवारी मात्र नभई दीर्घकालीन विश्वव्यापी प्रतिस्पर्धात्मकता र दिगोपन सुनिश्चित गर्नको लागि एक महत्वपूर्ण रणनीति भएकोमा जोड दिए। साथै दिगो अभ्यासहरूलाई एकीकृत गरेर नेपाली उद्योगले नयाँ विकास अवसर अनलक गर्न, विश्वव्यापी लगानी आकर्षित गर्न र विकसित हुँदै गइरहेको हरित अर्थतन्त्रमा नेतृत्वदायी स्थान सुरक्षित गर्न सक्ने उनले बताए।
'ह्वावेमा हामी नवीन डिजिटल पावर समाधानमार्फत नेपालभरका उद्योगलाई उनीहरूको ऊर्जा लक्ष्यहरू प्राप्त गर्न मद्दत गर्न प्रतिबद्ध छौँ। सौर्य ऊर्जा र ऊर्जा भण्डारणको एकीकरणले नेपाली व्यवसायहरूको लागि अझ लचिलो र लागत-कुशल भविष्यका लागि मार्ग प्रशस्त गर्ने छ। हामी हाम्रा नयाँ प्रविधिहरू प्रदर्शन गर्न र यस रूपान्तरणमा उद्योगका प्रमुखसँग सहकार्य गर्न उत्साहित छौँ,’ ह्वावे नेपाल डिजिटल पावर विभागका निर्देशक जेम्स झाङले भने।
कार्यक्रम समापन हुँदै जाँदा दिगो, कम कार्बन भविष्यमा नेपालको संक्रमणलाई तीव्र बनाउन ह्वावे र उद्योगीबीचको सहकार्य आवश्यक रहेको स्पष्ट भएको छ। स्वच्छ ऊर्जा प्रविधिको शक्तिलाई उपयोग गर्ने साझा दृष्टिकोणका साथ यो छलफल र अन्तर्दृष्टिले ग्रीनरी डिजिटल रूपमा सशक्त ऊर्जा इकोसिस्टमको लागि बलियो जग बसालेको छ। ह्वावे डिजिटल पावर नेपाल नेपालको लागि उज्ज्वल र दिगो भविष्यतर्फको बाटो निरन्तर नवीनता र सहकार्यले प्रशस्त गर्नेतर्फ सुनिश्चितता गर्दै यस रूपान्तरणप्रति समर्पित रहेको छ।
-1741791054.jpg)
