स्वास्थ्य मन्त्रीको पहलमा सांसदहरूको स्वास्थ्य परीक्षण हुने

राजनीति

गृहपृष्ठ
राजनीति

स्वास्थ्य मन्त्रीको पहलमा सांसदहरूको स्वास्थ्य परीक्षण हुने

क्यापिटल नेपालमंगलबार, फागुन २७, २०८१

काठमाडौं। स्वास्थ्य तथा जनसंख्या मन्त्रालयको पहलमा सांसदको स्वास्थ्य परीक्षण गरिएको छ। संघीय संसद् परिसरमा सांसदलगायत मर्यादापालक, कर्मचारी, सञ्चारकर्मीको स्वास्थ्य परीक्षण गरिएको हो।

सरकारले नसर्ने रोगको पहिचानका लागि फागुन महिनालाई एक महिने अभियानको रूपमा सञ्चालन गरिरहेको छ। सोही अभियानअन्तर्गत सांसदको मधुमेह, उच्च रक्तचाप, मुगौलासम्बन्धी रोगका साथै शरीरको उचाइ र तौलको अनुपात परीक्षण गरिएको हो।

सांसदहरुले उक्त अभियानको प्रशंसा गरेका थिए। स्वास्थ्य परीक्षणमा सहभागी सांसद कल्पना मियाँ कुसारीले स्वस्थ खानपान र नियमित योगाले स्वास्थ्य ‘रिपोर्ट’ राम्रो आएको बताए। उनले भनिन्, ‘म स्वास्थ्यमा सजग छु। सरकारको यो कदम सराहनीय छ। यस्ता परीक्षण अझै दुरदराजका जनतामा लानुपर्छ।’

इपिडिमियोलोजी तथा रोग नियन्त्रण महाशाखा (ईडीसीडी)को नसर्ने रोग तथा मानसिक स्वास्थ्य शाखाका ‘फोकल पर्सन’ तथा जनस्वास्थ्य अधिकृत दिपक भट्टले सर्वसाधारणलाई स्वास्थ्य परीक्षणमा प्रेरित गरिने बताए। उनका अनुसार आज र भोलि दुई दिन स्वास्थ्य परीक्षण संसद परिसरमा हुने छ।

प्रकाशित मिति: मंगलबार, फागुन २७, २०८१ १४:४६

प्रतिक्रिया दिनुहोस्