सांसदले खुला अर्थतन्त्रको महत्त्व नबुझ्दा निजी क्षेत्रले बेइज्जती सहनुपरेको छः उद्योगमन्त्री

उद्योग

गृहपृष्ठ
उद्योग

सांसदले खुला अर्थतन्त्रको महत्त्व नबुझ्दा निजी क्षेत्रले बेइज्जती सहनुपरेको छः उद्योगमन्त्री

क्यापिटल नेपालसोमबार, फागुन २६, २०८१

काठमाडौं। उद्योग,वाणिज्य तथा आपूर्ति मन्त्री दामोदर भण्डारीले निजी क्षेत्रको अभिभावकत्वको जिम्मेवारी सरकारले लिइसकेकाले अब निर्धक्क भएर लगानी गर्न आग्रह गरेका छन्।

श्रम, रोजगार तथा सामाजिक सुरक्षा मन्त्रालयले आयोजना गरेको श्रम रोजगार सम्मेलनलाई सम्बोद्धन गर्दै उद्योगमन्त्री भण्डारीले रोजगारी सिर्जना गर्ने प्रमुख निकाय निजी क्षेत्रको पूर्ण सुरक्षाको ग्यारेन्टी सरकारले लिइसकेको जानकारी दिए।

विभिन्न नीतिगत समस्याको कारण निजी क्षेत्रलाई समस्या भएको जानकारी भएकै कारण सरकारको प्रमुख प्राथमिकतामा कानुन संशोधनलाई राखेर अध्यादेश मार्फत दु्रत गतिमा काम गरिएको जानकारी दिए। कानुन संशोधनमा सरकारको गम्भीरतालाई निजी क्षेत्र पनि उत्साहीत भएको बताउँदै अझै कुनै नियम कानुनले असहज गरेको भए त्यसलाई संशोधनका लागि सरकार तयार रहेको उनले बताए।

पछिल्लो समय जनप्रतिनिधिले खुला अर्थतन्त्रको बारेमा जानकारी कम भएको कारणले निजी क्षेत्रलाई तथानाम गाली गर्ने र बेइज्जती गर्ने काम हुँदा निजी क्षेत्रको मनोबल केही मात्रामा गिरेको बताउँदै यसमा गम्भीर भएर लाग्न उनको आग्रह छ।

आत्मनिर्भर हुँदै गएको सिमेन्ट उद्योगले बजार मागअनुसारको मूल्य थपघट गर्दा सिन्डिकेटको आरोप लगाएर सांसदले नै जथाभावी बोलिदिँदा निजी क्षेत्रको मनोबल गिरेको उदाहरण उनले सुनाए।

‘हामी जनप्रतिनिधिले सरकारको पक्ष र प्रतिपक्षमा रहँदाको बोलीमा फरक हुँदा निजी क्षेत्रले समस्या भोगिरहेको छ। जो जहाँ रहे पनि एउटै धारणा बनाएर अगाडि बढ्नुपर्छ’, उनले भने।

प्रकाशित मिति: सोमबार, फागुन २६, २०८१ १३:५९

प्रतिक्रिया दिनुहोस्