ट्र्याक्टर दुर्घटना हुँदा बाबुको मृत्यु, छोरा घाइते

समाज

गृहपृष्ठ
समाज

ट्र्याक्टर दुर्घटना हुँदा बाबुको मृत्यु, छोरा घाइते

क्यापिटल नेपालसोमबार, फागुन २६, २०८१

काठमाडौं। बाजुरामा ट्र्याक्टर दुर्घटना हुँदा एक जनाको मृत्यु भएको छ। खप्तड छेडेदह गाउँपालिकामा ट्र्याक्टर दुर्घटना हुँदा उनको मृत्यु भएको हो।

मृत्यु हुनेमा बूढीगङ्गा नगरपालिका–४ खोडालबाडाका ३३ वर्षीय ट्र्याक्टर चालक पदमबहादुर रावत रहेकोे जिल्ला प्रहरी कार्यालयले जनाएको छ।

खप्तड छेडेदह गाउँपालिकाबाट बूढीगङ्गा नगरपालिका आउँदै गरेको भे२त १५८८ नम्बरको ट्र्याक्टर गएराति ओरालो सडकमा अनियन्त्रित भई दुर्घटना भएको प्रहरीले जनाएको छ।

प्रहरीका अनुसार ट्र्याक्टरमा सवार रहेका चार जना मध्ये चालक रावतका छोरा सञ्जय रावतलाई सामान्य चोट लागेको छ। घाइतेको स्थानीय स्वास्थ्यचौकीमा उपचार भइरहेको प्रहरीले बताएको छ। अन्य तीन जना सकुशल रहेको, ट्र्याक्टरको अगाडिको भाग करिब २५० मिटर तल सडकमा खसेको र ट्राली ५० मिटर तल खसेको प्रहरीले जनाएको छ। घटनाको थप अनुसन्धान भइरहेको छ ।

प्रकाशित मिति: सोमबार, फागुन २६, २०८१ १२:०८

प्रतिक्रिया दिनुहोस्