बुद्ध एयरको चरम लापरबाहीः उड्दा उड्दैको जहाजबाट पाङ्ग्रा झर्‍यो

पर्यटन

गृहपृष्ठ
पर्यटन

बुद्ध एयरको चरम लापरबाहीः उड्दा उड्दैको जहाजबाट पाङ्ग्रा झर्‍यो

क्यापिटल नेपालबिहीबार, फागुन २२, २०८१

काठमाडौं। जनकपुरबाट काठमाडौं आएको बुद्ध एयरको जहाजको एउटा पांग्रा एउटा पांग्रा (नोज ह्वील)नै झरेको खुलेको छ। ९ एन- एएनएच कल साइन भएको जहाजको अगाडी पट्टिको पांग्रानै झरेको खुलेको हो।

६२ जना यात्रुहरु लिएर जनकपुरबाट ४ बजेर ३९ मिनेटमा उडेको जहाज काठमाडौंमा ५ बजेर ६ मिनेट अवतरण भएको थियो। जव काठमाडौंमा अवतरण गरेर जहाज पार्किङ गरिसकेपछि मात्र पाइलटले अगाडीको पांग्रानै नभएको देखेपछि हल्लाखल्ला भएको थियो।

नेपाल नागरिक उड्डयन प्राधिकरणका सूचना अधिकारी ज्ञानेन्द्र भुलले घटना लगत्तै जहाज ग्राउण्डेड गरी अध्ययन सुरु गरिएको जानकारी दिए। जहाजको झरेको पांग्रा जनकपुर विमानस्थलमै भेटिएको जानकारी पाएको बताउदै थप अध्ययन गरेपछि मात्र खुल्ने उनको भनाइ छ।

यसरी उडिरहेको जहाजको पाग्रा नै झर्नु भनेको सुरक्षाका लागि गम्भिर लापरबाही भएकोले आवश्यक अध्ययन गरी कार्वाही प्रक्रिया अगाडी बढाउने प्राधिकरणले जनाएको छ।

जनकपुर विमानस्थलमै भेटियो पांग्रा
481670817_1368450720819585_7246518923891473179_n-1741266891.jpg
झरेको पांग्रा जनकपुर विमानस्थलमै भेटिएको जनाएको छ। जहाज उड्ने क्रममा झरेको हो वा उडान गर्नु अघिनै झरेको भन्ने एकिन नभएको प्राधिकरणले जनाएको छ। पांग्रा कसरी झर्यो र यसमा कसको लापरबाही हो भन्ने जानकारी अध्ययनबाट मात्र आउने जनाएको छ। जहाज उडान अघि पाइलट सहित क्रु मेम्बरले पूर्ण रुपमा चेकजाँच गरेको हुन्छ। खासगरी इन्जिनियरहरुले जहाजको अवस्था ठिक छ भनेपछि मात्र पाइलटले जहाज उडाउने गरिन्छ। तर, जनकपुरको घटनालाई हेर्दा सुरक्षामा गम्भिर लापरबाही गरिएको देखिन्छ, प्राधिकरण श्रोतले भन्यो यो विषयमा हामीले गम्भिर छानविन सुरु गरिसकेका छौं।