चीनले यस वर्ष रक्षा बजेट ७.२ प्रतिशतले बढाउने

अन्तर्राष्ट्रिय

गृहपृष्ठ
अन्तर्राष्ट्रिय

चीनले यस वर्ष रक्षा बजेट ७.२ प्रतिशतले बढाउने

क्यापिटल नेपालबुधबार, फागुन २१, २०८१

काठमाडौं। चीनले आफ्नो देशको रक्षा खर्च गत वर्षको जस्तै ७.२ प्रतिशतले बढ्ने घोषणा गरेको छ। देशको सशस्त्र सेनामा खर्च दशौँ वर्षदेखि बढ्दै गएको छ। यो मोटामोटी आर्थिक वृद्धिसँग मेल खान्छ।

चीनसँग दोस्रो सबैभन्दा ठूलो सैन्य बजेट छ। तर प्राथमिक रणनीतिक प्रतिद्वन्द्वी अमेरिकाभन्दा धेरै पछाडि छ। यद्यपि चीनको जनमुक्ति सेना (पिएलए)ले सैनिक कर्मचारीको संख्याका हिसाबले अमेरिकी सेनालाई पछाडि पारेको छ।

चीनको यस वर्षको रक्षा बजेट १७ खर्ब ८० अर्ब युआन (दुई खर्ब ४५ अर्ब ७० करोड डलर) अमेरिकाको एक तिहाइभन्दा कम हो। स्टकहोम इन्टरनेसनल पिस रिसर्च इन्स्टिच्युटका अनुसार गत वर्ष चीनको सैन्य खर्च कूल गार्हस्थ्य उत्पादन (जिडिपी)को १.६ थियो। यो अमेरिका र रुसको तुलनामा निकै कम हो।