ढोरपाटनका किसानलाई ५० प्रतिशत अनुदानमा हाते ट्याक्टर

कृषि

गृहपृष्ठ
कृषि

ढोरपाटनका किसानलाई ५० प्रतिशत अनुदानमा हाते ट्याक्टर

क्यापिटल नेपालबुधबार, फागुन २१, २०८१

काठमाडौं। बागलुङको ढोरपाटन नगरपालिकाले किसानलाई आधुनिक प्रविधिसँग जोड्न हाते ट्याक्टर वितरण गरेको छ। नगरपालिकाका ९ वटै वडाबाट सिफारिस भएर आएका किसानलाई ५० प्रतिशत अनुदानमा हाते ट्याक्टर वितरण गरेको हो।

किसानको माग र आवश्यकलाई मध्यनजर गरी नगरपालिकाले हाते ट्याक्टर उपलब्ध गराएको प्रमुख प्रशासकीय अधिकृत चीरञ्जीवी घिमिरेले बताए। विभिन्न वडाका १९ जना किसानलाई हाते ट्याक्टर वितरण गरेको उनको भनाइ छ।

किसान र नगरपालिकाको गरी ९ लाख ९२ हजार बजेटमा हाते ट्याक्टर उपलब्ध गराएको घिमिरेले जानकारी दिए। प्रति हाते ट्याक्टरको मूल्य ५२ हजार परेकोमा किसानले २६ हजार तिरेका थिए।

ढोरपाटन नगरपालिकाका उपप्रमुख धनबहादुर कायतले ग्रामीण क्षेत्रका अधिकांश नागरिक कृषि र पशुपालन पेसामा आबद्ध रहेको हुँदा उनीहरुलाई व्यावसायिक बनाउन आधुनिक सामग्री प्रदान गरिएको बताए। पछिल्लो समय कृषिमा हाते ट्याक्टरको प्रयोग बढ्दो छ।

प्रकाशित मिति: बुधबार, फागुन २१, २०८१ १०:५५

प्रतिक्रिया दिनुहोस्