एलपी ग्यासको मूल्य १२ रुपैयाँ ७५ पैसा बढाउने सहमति, उद्योगीको आन्दोलन फिर्ता

मुख्य समाचार

गृहपृष्ठ
मुख्य समाचार

एलपी ग्यासको मूल्य १२ रुपैयाँ ७५ पैसा बढाउने सहमति, उद्योगीको आन्दोलन फिर्ताएलपी ग्यास उद्योग संघले आजदेखि एलपी ग्यासको आपूर्ति सहज बनाउने सहमति भएको छ।

क्यापिटल नेपालमंगलबार, फागुन २०, २०८१

काठमाडौं। एलपी ग्यास उद्योग संघले आफ्ना सबै आन्दोलनका कार्यक्रम स्थगित गरेको छ। आज उद्योग, वाणिज्य तथा आपूर्ति मन्त्रालयमा वाणिज्य तथा आपूर्ति सचिव गोविन्द बहादुर काकी र संघका पदाधिकारीबीच पाँच बुँदे सहमति भएसँगै आन्दोलन स्थगन गरिएको हो।

जसमा ग्यासमा प्रतिसिलिण्डर १२.७५ ले वृद्धि गर्ने,ग्यास उद्योगीलाई दिइँदै आएको मुनाफा प्रतिसिलिण्डर रकममा प्रदान गर्ने वा निश्चित प्रतिशतमा प्रदान गर्ने भन्ने सम्बन्धमा निगमले उपसमिति बनाई अध्ययन कार्य अगाडि बढाउने सहमति भएको छ।

यसैगरी, निगम र संघ दुवैको समन्वयमा सम्बोधन गर्न सकिने मागहरू निगम व्यवस्थापनले सम्बोधन गर्ने र निगमले सम्बोधन गर्न नसक्ने अन्य मागहरू सञ्चालक समिति तथा उद्योग, वाणिज्य तथा आपूर्ति मन्त्रालयमा पेस गर्ने सहमति भएको छ। संघले आजदेखि एलपी ग्यासको आपूर्ति सहज बनाउने सहमति भएको छ।