वन क्षेत्रमा उद्यमशीलता विकास गर्नुपर्छः उपराष्ट्रपति

राजनीति

गृहपृष्ठ
राजनीति

वन क्षेत्रमा उद्यमशीलता विकास गर्नुपर्छः उपराष्ट्रपति

क्यापिटल नेपालमंगलबार, फागुन २०, २०८१

काठमाडौं। उपराष्ट्रपति रामसहायप्रसाद यादवले वन क्षेत्रमा उद्यमशीलता विकास गर्नुपर्ने बताएका छन्। नेपाल वन प्राविधिक सघं (एनएफए) को स्थापनाको ५०औं वार्षिक उत्सवमा आयोजित स्वर्ण महोत्सव समारोहमा उपराष्ट्रपति यादवले वनबाट मुलुकको आर्थिक समृद्धि हासिल गर्न वन उद्यमको विकास गर्नुपर्नेमा जोड दिएका छन्।

उपराष्ट्रपति यादवले नेपालको वन संरक्षण र दिगो उपयोगमा वन प्रविधिको भूमिका रहेको उल्लेख गर्दै थप वन क्षेत्रको विकासका लागि अझै अगाडि बढ्नुपर्ने बताए।

उनले भने, “जलवायु परिवर्तनको प्रभाव, वनजन्य स्रोतकोे दिगो उपयोग, पारिस्थितिकिय प्रणालीको संरक्षणमा सङ्घको भूमिका छ। पछिल्ला वर्षमा वन केन्द्रित दिगो विकासका प्रयास भएका छन्।”

वन तथा वातावरण संरक्षणसम्बन्धि जनताको चेतना बढाइ वातावरणमा पर्न सक्ने क्षतिको असर न्यूनिकरण गर्न जैविक विविधताको संरक्षण गर्नुपर्ने उनको भनाइ छ।

“पछिल्लो समय तराई मधेशमा पानीको मुहान सुक्दै गइरहेका छन्। यसले गर्दा तराई मधेश मरुभूमी अवस्थामा पुग्न सक्छ। समस्या समाधानका लागि सङ्घले आवश्यक योजना बनाउन सरकारलाई सुझाव दिन जरुरी छ,” उनले भने।

प्रकाशित मिति: मंगलबार, फागुन २०, २०८१ १४:५४

प्रतिक्रिया दिनुहोस्