सहकारी संस्थामा गलत क्रियाकलाप गर्नेलाई कारबाही गर्ने मन्त्री अधिकारी चेतावनी

राजनीति

गृहपृष्ठ
राजनीति

सहकारी संस्थामा गलत क्रियाकलाप गर्नेलाई कारबाही गर्ने मन्त्री अधिकारी चेतावनी

क्यापिटल नेपालसोमबार, फागुन १९, २०८१

काठमाडौं। भूमि व्यवस्था, सहकारी तथा गरिबी निवारणमन्त्री बलराम अधिकारीले सहकारी संस्थामा विधिविपरीत गलत क्रियाकलाप गर्नेलाई कारबाही गर्ने चेतावनी दिएका छन्। आज काभ्रेपलाञ्चोकको पनौतीस्थित ज्योति मिर्मिरे सामूहिक बचत तथा ऋण सहकारी संस्थाको स्थापना दिवसमा सम्बोधन गर्दै उनले यस्तो बताएका हुन्।

सहकारीबाट ऋण लिएर नतिर्नेले ‘सबै सहकारी गलत हुन्’ भनेर ‘स्यालहुँइया’ मच्चाइएको उल्लेख गर्दै उनले गलत गर्नेलाई कानुनी दायरामा ल्याइने बताए। उनले विधिविपरीत गलत क्रियाकलाप गर्ने सहकारी सञ्चालकसमेतको सम्पत्ति जफत गरेरै भए पनि पीडितको बचत रकम फिर्ता गर्ने दाबी गरे।

उनले भने, “केही महिनामै ६ हजार ६०० भन्दा बढी बचतकर्ताको रकम फिर्ता गराइसकेका छौँ, अब छिट्टै केही बचतकर्ताको रकम फिर्ता गर्ने चरणमा छौँ।”