भारतीय रिजर्भ बैंकले एकै महिनामा किन्यो तीन हजार किलो सुन, कति पुग्यो सुन भण्डार?

अन्तर्राष्ट्रिय

गृहपृष्ठ
अन्तर्राष्ट्रिय

भारतीय रिजर्भ बैंकले एकै महिनामा किन्यो तीन हजार किलो सुन, कति पुग्यो सुन भण्डार?

क्यापिटल नेपालबिहीबार, फागुन १५, २०८१

काठमाडौं। भारतीय रिजर्भ बैंकले जनवरीमा दुई हजार ८ सय किलो सुन खरिद गरेको छ। गत वर्ष ७२ हजार ६ सय किलो सुन खरिद गरेको थियो। यसले केन्द्रीय बैंकको कुल विदेशी मुद्रा सञ्चितिमा सुनको हिस्सा बढेर ११.३ प्रतिशत पुगेको छ।

आरबीआईको पछिल्लो तथ्यांकअनुसार यस वर्ष जनवरीको अन्त्यसम्ममा देशको सुन भण्डार ८ लाख ७९ हजार किलो पुगेको छ। यो गत वर्षको तुलनामा ८ प्रतिशतले बढी हो। गत वर्षको फेब्रुअरीमा भारतमा सुन भण्डार ८ लाख १२ हजार ३०३ किलो थियो।

यस कारण भारतले किनिरहेको छ सुन

सुनले मुद्रास्फीतिको कारण हुने नोक्सानीको क्षति कम गर्न मद्दत गर्छ। विश्वभरका बैंकहरूले पनि विश्वव्यापी मुद्रास्फीतिको सामना गर्नु पर्ने भएसँगै सुन खरिद गरिरहेको छ।

आर्थिक संकटको समयमा सुनको मूल्य बढ्न थाल्छ। यस कारण चुनौतीपूर्ण समयमा सुनमा लगानी गर्दा राम्रो प्रतिफल मिल्छ। हालै धेरै देशबीचको युद्धले सुनको प्रतिफल बढाएको छ।

सुनमा लगानी गर्नु जोखिममुक्त छ। जुन केन्द्रीय बैंकहरूलाई राम्रोसँग थाहा छ। डलरको मूल्य घट्दा सुनको मूल्यमा हुने वृद्धिले पनि आकर्षित गर्छ।

प्रकाशित मिति: बिहीबार, फागुन १५, २०८१ १७:२६

प्रतिक्रिया दिनुहोस्