काठमाडौं। एनसेलले आफ्ना ग्राहकलाई दूरसञ्चार सेवामा सहज, सुलभ प्याकका साथ सेवा प्रदान गर्दै देशको मोबाइल सेवा क्षेत्रमा उल्लेखनीय परिवर्तन ल्याउने उदेश्यसहित नयाँ प्रिपेड सेवा ‘सधैं अन रिन्यूअल प्याक’ सञ्चालनमा ल्याएको छ।
सधै अन प्याकको सफलतापछि सञ्चालनमा ल्याइएका रिन्यूअल प्याकमार्फत ग्राहकहरुले बिना कुनै बाधा महिनाभरका लागि आफ्नो बजेटअनुसार विभिन्न अनलिमिटेड सेवाहरुको फाइदा लिन सक्छन्।
रिन्यूअल प्याकको उद्देश्य नेपाली ग्राहकहरूलाई तुलनात्मक रुपमा महंगो पर्ने पे एज यू गो र बारम्बार लिनुपर्ने ससाना प्याकहरु प्रतिको निर्भरता हटाएर सधैं अन अर्थात कनेक्टेड रहन सक्षम बनाउनु हो। यी प्याकहरूको मुख्य विशेषता भनेको प्रयोग हुन बाँकी डेटा, टक टाइम, र एसएमएस खेर नजाने रहेको छ।
यसको अर्थ त्यस्ता सेवा, सुविधाहरु अर्को महिनाका सेवा, सुविधाहरुमा थप हुने व्यवस्था रहेको छ। यी प्याकहरूलाई सजिलै एनसेल एपमार्फत वा एष्ट्रिक्स१२३एष्ट्रिक्स९ह्यास डायल गरेर, वा नजिकको एनसेल रिटेलर स्टोर अर्थात प्वाइन्ट अफ सेल्समा गएर खरिद गर्न सकिन्छ।
सधैं अन रिन्यूअल प्याक अर्थात हरेक महिना ३० दिनमा नवीकरण हुने यी प्याकहरुमा ग्राहकले पूरै एक महिनाको समयसीमासहित सेवा पहुँचबाट फाइदा लिन सक्छन्। यसमा साधारण सधैं अन प्याकको २८ दिनभन्दा थप दुई दिन बढीको समयावधि रहेको छ।
यी प्याकमा यूट्युबमा अनलिमिट्ड भिडियो स्ट्रिमिङ सुविधा, रातको समयमा इन्टरनेट ब्राउजिङ तथा विभिन्न सामग्री डाउनलोड गर्न अनलिमिटेड नाइट डेटाको सुविधा रहेको छ। केही प्याकमा ग्राहकहरुले आफ्ना परिवारजन, साथीभाइ र सहकर्मीसँग महिनाभर जति पनि कल गर्न मिल्ने अनलिमिटेड अल नेपाल टक टाइमको सेवा पाउँछन्।
एनसेलका चीफ कमर्शीयल अफिसर उमेर मोहसिनले भने, 'आजको डिजिटल परिप्रेक्ष्यमा, सहज कनेक्टिभिटी कार्यलयदेखि व्यक्तिगत कार्य, शिक्षा, मनोरञ्जन र सोसल मिडियामा अन्तरक्रियालगायतका लागि अत्यन्त आवश्यक रहेको छ। सधैं अन रिन्यूअल प्याक उच्च गतिको इन्टरनेट र निरन्तर सेवाको बढ्दो मागलाई पूरा गर्ने उद्देश्यले ध्यानपूर्वक डिजाइन गरिएको छ, जसले ग्राहकहरूलाई कुनै पनि अवरोध बिना कनेक्टेड रहन सहयोग गर्दछ। यी प्याकहरूले अत्यन्तै सुलभ शुल्कमा अनलिमिटेड कल, सहज, निरन्तर डेटामा पहुँच प्रदान गर्दछ, जसले ग्राहकहरूलाई निर्धक्क भएर बिना कुनै अतिरिक्त शुल्कको चिन्ता सेवा लिन, विभिन्न जानकारीमा आफ्नो पहुँच सुनिश्चित गर्न र डिजिटल सामग्रीहरुबाट फाइदा उठाउन मद्दत पुर्याउँछ। फोनमार्फत भिडियो स्ट्रिमिङ, सोसल मिडिया होस् वा म्यासेजिङका लागि होस् वा रिमोट वर्कका लागि होस्, ग्राहकहरुले आफ्नो बजेट अनुसार उपभोक्तामैत्री शुल्कमा पूरा महिना डिजिटल अनुभव लिएर सधैं अन रहन यी प्याकहरुले मद्दत गर्दछ।'
रिन्यूअल प्याकअन्तर्गत एनसेलले बेस्ट रिन्यूअल प्याक, अनलिमिटेड प्याक र अन्य भ्वाइस र डेटा रिन्यूअल गरी तीन प्रकारका प्याक संचालनमा ल्याएको छ। पहिलो बेस्टअन्तर्गत करसहित मासिक रु. ३९९, रु. ४९९, र रु. ५९९ का प्याकहरु रहेका छन्। यसमा भ्वाइस, डेटा र एसएमएस साथै अनलिमिटेड यूट्युव, अनलिमिटेड नाइट डेटा समावेश छन्। प्याकअनुसार, यसमा ग्राहकहरूले ८ जीबीदेखि २० जीबीसम्मको डेटा, ३९९ देखि ५९९ मिनेटसम्मको अल नेपाल टक टाइम, र ३९ देखि ५९ वटा अल नेपाल एसएमएस प्राप्त गर्छन्।
दोस्रोमा अनलिमिटेड रिन्यूअल प्याकअन्तर्गत करसहित रु. ७९९, रु. ९९९, र रु. १,४९९ का प्याकहरु समावेश रहेका छन्। यी प्याकमा ग्राहकले कुनै पनि नेपाली नेटवर्कमा कल गर्न सकिने अनलिमिटेड अल नेपाल टक टाइम, अनलिमिटेड यूट्युब, अनलिमिट्ड नाइट डेटाका साथै प्याकअनुसार ३० जीबीदेखि १०० जीबीसम्मको डेटा र ७९ देखि १४९ वटा अन नेपाल एसएमएस सेवा प्राप्त गर्दछन्।
त्यसैगरी तेस्रो रिन्यूअल सेवाअन्तर्गत डेटा र भ्वाइसमात्र पाइने प्याकहरु रहेका छन्। उदाहरणका लागि एनसेलका रु. १९९ देखि रु. ४४९ सम्मका लोकप्रिय भ्वाइस रहेका छन्। त्यसैगरी डेटामा रु २९९ बाट सुरु हुने प्याकहरू समावेश छन्।
एनसेलले रिन्यूअल अर्थात नवीकरण ग्राहकका लागि अप्रत्याशित नहोस् भनेर प्याक खरिदको प्रक्रियालाई ध्यानपूर्वक डिजाइन गरेको छ। जसले गर्दा ग्राहकले रिन्यूअल अर्थात नवीकरणको समय/मितिबारे अग्रिम जानकारी पाउँछन्। साथै, नवीकरण समय आउनुअघि ग्राहकहरूले नियमित रुपमा प्याकहरु खरिद गर्ने विकल्प पनि पाउँछन्।
