काठमाडौं। मोबाइल सेवाप्रदायक एनसेलले खल्तीसँगको साझेदारीमा ग्राहकका लागि खल्ती एपमा पनि फ्ल्यास सेल अफर ल्याएको छ। यसअन्तर्गत अब हरेक आइतबार खल्तीबाट प्याक किन्दा ग्राहकले बोनस डाटा, टक टाइम पाउनुका साथै आकर्षक उपहार पनि जित्न सक्छन्।
फागुन ११ बाट सुरु भई चैत ९ सम्म सञ्चालनमा रहने यो अफरअन्तर्गत बोनसका साथ सेवाको फाइदा लिन र उपहार जित्ने मौका पाउनका लागि ग्राहकले खल्तीमार्फत एनसेलका छानिएका सात प्याकमध्ये कुनै एक प्याकको खरिद गर्न सक्छन्।
यसरी छानिएका प्याकमा सधैं अन अन्तर्गतका चार, होम एन्ड अवेका दुई वा ९९९ अनलिमिटेड रहेका छन्। सधैं अनका प्याकहरुका प्याक अनुसार ग्राहकहरुले ५ जीबी, ८ जीबी वा १० जीबी डाटा बोनसका रुपमा पाउँछन्।
होम एन्ड अवेका प्याक किन्दा ५ जीबी वा ७ जीबी थप डाटा बोनस पाइनेछ। त्यसैगरी, ९९९ अनलिमिटेड डाटा प्याक किन्दा ग्राहकले १०० मिनेट अन नेट टक टाइम बोनस प्राप्त गर्दछन्।
सुरुआतमा एनसेल एपको विशेष अफरका रुपमा सञ्चालनमा ल्याइएको यो फ्ल्यास सेल अब हरेक साता आइतबार ग्राहकलाई बोनस सुनिश्चित गर्दै खल्तीमा पनि लागू भएको हो।
उदाहरणका लागि, खल्तीबाट सधैं अन ७९९ को प्याक खरिद गर्दा प्याकमा पाइने अनलिमिटेड अल–नेट टक टाइम, ३० जीबी डेटा, ७९ अल–नेट एसएमएस बाहेक ग्राहकहरुले अब थप ५ जीबी बोनस डेटा प्राप्त गर्न सकिनेछ।
खल्तीसँगको यो साझेदारीले ग्राहकलाई डिजिटल कारोबारका लागि प्रोत्साहन प्रदान गर्ने र उनीहरुका लागि सेवामा पहुँच अझै सुलभ हुने विश्वास एनसेलले लिएको छ।
यसका अतिरिक्त एनसेलले हरेक शनिबार एनसेल एपमा सञ्चालन गर्दै आएको फ्ल्यास सेललाई जारी राखेको छ। एनसेल एपबाट शनिबारका दिन सेवा खरिद गर्दा ग्राहकले बोनसका साथै फागुन २४ सम्मका लागि न्यूम्यूका सामान किन्दा २० प्रतिशत छुट प्राप्त गर्न सक्छन्।
