सवारी लाइसेन्स परीक्षामा नक्कली परीक्षार्थी, दुई जना पक्राउ

समाज

गृहपृष्ठ
समाज

सवारी लाइसेन्स परीक्षामा नक्कली परीक्षार्थी, दुई जना पक्राउ

क्यापिटल नेपालसोमबार, फागुन १२, २०८१

काठमाडौं। सवारी चालक अनुमतिपत्रको परीक्षामा नक्कली परीक्षार्थीसहित परीक्षा दिन लगाउने पक्राउ परेका छन्।यातायात व्यवस्था कार्यालय कञ्चनपुरले लिएको परीक्षमा सहभागि उनीहरुलाई प्रहरीले नियन्त्रणमा लिएको हो।

पक्राउ पर्नेमा बेदकोट नगरपालिका-६ का सुवास डगौराको नाममा परीक्षा दिने बेदकोट-५ का अस्मित डगौरा रहेको जिल्ला प्रहरी कार्यालयले जनाएको छ।

प्रहरीका अनुसार परीक्षा दिन लगाउने सुवास डगौरा र प्रयोगात्मक परीक्षामा अरुको नाममा फर्जी हाजिर लगाइ परीक्षा दिने भीमदत्त नगरपालिका-६ का अमरसिंह धामीलाई पनि पक्राउ गरिएको छ।

उनीहरुले अरु दुई जनाको हाजिर गरी परीक्षा दिएकाले प्रहरीको सहयोगमा पक्राउ गरी कञ्चनपुर प्रहरी कार्यालयको जिम्मा लगाइएको यातायात व्यवस्था कार्यालय कञ्चनपुरका प्रमुख तर्कराज भट्टले बताए।

प्रकाशित मिति: सोमबार, फागुन १२, २०८१ ११:४४

प्रतिक्रिया दिनुहोस्