इन्फर्मेशन सेक्युरिटी रेस्पोन्स टिमको नयाँ नेतृत्वमा डा.सुब्बा

समाज

गृहपृष्ठ
समाज

इन्फर्मेशन सेक्युरिटी रेस्पोन्स टिमको नयाँ नेतृत्वमा डा.सुब्बा

क्यापिटल नेपालआइतबार, फागुन ११, २०८१

काठमाडौं। नेपालको साइबर सुरक्षा सुदृढीकरणमा सक्रिय संस्था इन्फर्मेशन सेक्युरिटी रेस्पोन्स टिम (एनपी–सर्ट) ले नयाँ नेतृत्व चयन गरेको छ। शनिबार सम्पन्न १०औँ वार्षिक साधारणसभाले मदन भण्डारी विज्ञान तथा प्रविधि विश्वविद्यालयका सहायक प्राध्यापक तथा सूचना प्रविधि विज्ञ डा.राजीव सुब्बाको अध्यक्षतामा १३ सदस्यीय कार्यसमिति चयन गरेको हो।

नयाँ कार्यसमितिमा उपाध्यक्ष पदमा प्रा.डा. सुदन झा, ई. तुलसीराम श्रेष्ठ र सुमन कुमार शर्मा रहेका छन्। यस्तै, महासचिवमा डा.सुमन थपलिया,सचिवमा कृष्णप्रसाद पाण्डे र कोषाध्यक्षमा प्रविण खड्का चयन भएका छन्। कार्यकारी सदस्यहरूमा रेजिना डाँगी, ई.रुचि पाण्डे,सुदीप घिमिरे,दीक्षा राउत, ई.सन्तोष श्रेष्ठ र रामकृष्ण दाहाल छन्।

साधारणसभामा महासचिवको वार्षिक आर्थिक प्रतिवेदन तथा कोषाध्यक्षको लेखा प्रतिवेदन छलफलपछि पारित गरिएको थियो। सो अवसरमा सहभागीहरूले एनपी–सर्टको ब्रान्डिङ सुधार र डेटा सुरक्षामा ध्यान केन्द्रित गर्न जोड दिएका थिए।

प्रकाशित मिति: आइतबार, फागुन ११, २०८१ १३:२५

प्रतिक्रिया दिनुहोस्