काठमाडौं। हुन्डाई मोटर कम्पनीको आयोनिक ५ एनले विद्युतीय सवारीसाधन (ईभी) कार्यसम्पादनमा नयाँ मानक स्थापित गरेको छ। फेब्रुअरी १५ मा जापानमा भएको ‘अट्याक सुकुबा २०२५’ मोटरस्पोर्ट इभेन्टमा आयोनिक ५ ईभीले सबैभन्दा छिटो ल्याप टाइम हासिल गरेको हो।
इबाराकी प्रिफेक्चर जापानको पौराणिक सुकुबा सर्किटमा आयोजित ट्र्याक यसको कम्प्याक्ट र चुनौतीपूर्ण लेआउट सहभागीहरूलाई उनीहरूको क्षमताहरू प्रदर्शन गर्नको लागि उत्तम चरण प्रदान गर्दै सवारी साधनहरू हुन्डाई आयोनिक ५ एन टाइम अट्याक स्पेकको साथ कार्यक्रममा प्रवेश गरेको हो। जसलाई जापानी व्यावसायिक चालक नोबुटेरु तानिगुचीले ड्राइभ गरिन।
अट्याक सुकुबामा हुन्डाई आयोनिक ५ एन टाइम अट्याक स्पेक ड्राइभ गर्ने अवसर पाउँदा आफु खुशि भएको नोबुटेरु तानिगुचीले बताइन्। ‘२०२५ ले मलाई मेरो अघिल्लो ईभी रेकर्ड तोड्न सक्षम बनायो। टाइम अट्याक स्पेक राम्रोसँग रोकिन्छ र उत्कृष्ट रूपमा ह्यान्डल हुन्छ। धेरै शक्तिको बावजुद नियन्त्रण उत्कृष्ट छ।’
यसले २०२४ को पाइक्स पीक अन्तर्राष्ट्रिय हिल क्लाइम्ब (पीपीआइएचसी) मा मोडिफाइड उत्पादन ईभीमा यसयूभी सेग्मेन्टमा विजय प्राप्त गरी नयाँ रेकर्ड सेट गरेको थियो।
यस सवारी साधनको डिजाइन उत्पादन–विशेष आयोनिक ५ एनका बलहरू प्रदर्शन गर्नका लागि गरिएको हो। जसमा महत्त्वपूर्ण रूपमा कुनै ठूलो परिवर्तन गरिएको छैन। आयोनिक ५ एन टाइम अट्याक स्पेकले यसको उच्च प्रदर्शन पावर इलेक्ट्रोनिक्स प्रणालीलाई कायम राखेको छ। सफ्टवेयर ट्युनिङ्गमार्फत टाइम अट्याक स्पेकको अधिकतम आउटपुट ६८७ पीएसमा वृद्धि गरिएको छ, जसको कारण पछिल्लो मोटरको शक्ति आयोनिक ५ एनको तुलनामा ३७ पीएस बढी भएको छ।
यसमा थप एन एक्टिभ साउण्ड प्लससँग संशोधित स्पिकरहरू (१२० डिबी भन्दा बढी) नयाँ शॉक अब्सोर्बरहरू, मोटरस्पोर्ट–ग्रेड ब्रेकहरू, १८ इन्चको योकोहामा एडिभीएएन ००५ स्लिक टायरहरू, उच्च डाउनफोर्स एरोडाइनामिक प्याकेज, रेक्यारो प्रो रेसर एसपीए हान्स सीट, सैबल्ट ६–प्वाइन्ट हान्स सुरक्षा समावेश छन्।
५७.४४६ सेकेन्डको लाप टाइमसँग आयोनिक ५ एन टाइम अट्याक स्पेकले सुकुबा सर्किटमा ईभीको रूपमा इतिहास रचेको छ। यो परिणाम अन्य ईभी प्रतिस्पर्धीभन्दा लगभग दुई सेकेन्ड छिटो छ। यद्यपि आयोनिक ५ एन टाइम अट्याक स्पेकले मुख्य सिस्टमहरू जस्तै यसको मोटरहरू, ब्याट्री र नियन्त्रण इलेक्ट्रोनिक्समा प्रायः उत्पादन घटकहरू मात्र प्रयोग गरेको छ।
यो उपलब्धि हुन्डाईको अत्याधुनिक ईभी प्रविधिहरूको प्रमाण हो। यसले जापानमा हुन्डाईको बढ्दो ईभी बजारलाई मजबुत बनाउँछ। हुन्डाई मोबिलिटी जापानले हालै जापानी बजारमा इलेक्ट्रिक यसयुभी प्रक्षेपण गरेको छ। जसले यसको ईभी पोर्टफोलियोलाई थप विस्तार गरेको छ।
