जनताको अवस्था बदल्न सबैलाई एकताबद्ध हुन प्रचण्डको आग्रह

राजनीति

गृहपृष्ठ
राजनीति

जनताको अवस्था बदल्न सबैलाई एकताबद्ध हुन प्रचण्डको आग्रह

क्यापिटल नेपालबुधबार, फागुन ७, २०८१

काठमाडौं। नेकपा माओवादी केन्द्रका अध्यक्ष पुष्पकमल दाहाल प्रचण्डले जनताको अवस्था बदल्न सबै एकताबद्ध भएर अगाडि बढ्नुपर्ने बताएका छन्। राष्ट्रिय प्रजातन्त्र दिवसका अवसरमा आज शुभकामना दिँदै उनले यस्तो बताएका हुन्।

संविधानको कार्यान्वयनमार्फत समाजवादोन्मुख राज्यको आधारशीला खडा गर्नु राष्ट्रिय कार्यभार भएको उनको भनाइ छ। प्रजातन्त्र स्थापनाका लागि जीवनको बलिदान गर्ने सहिदहरुलाई सम्झिदै उनले प्रजातन्त्र सङ्घीय लोकतान्त्रिक गणतन्त्रको गौरवपूर्ण परिस्थितिसम्म आइपुगेको जिकिर गरे।

उनले भने,'नेपाली जनताको बलिदानको जगमा स्थापित प्रजातन्त्रले आफूलाई परिस्कृत र परिमार्जन गर्दै सङ्घीय लोकतान्त्रिक गणतन्त्रको गौरवपूर्ण परिस्थितिसम्म आइपुगेको छ।'

प्रकाशित मिति: बुधबार, फागुन ७, २०८१ १३:५२

प्रतिक्रिया दिनुहोस्