विपिन जोशीको रिहाइका लागि सहयोग गरिदिन कतारसँग आग्रह

समाज

गृहपृष्ठ
समाज

विपिन जोशीको रिहाइका लागि सहयोग गरिदिन कतारसँग आग्रह

क्यापिटल नेपालआइतबार, फागुन ४, २०८१

काठमाडौं। परराष्ट्रमन्त्री डा.आरजु राणा देउवा र कतारका विदेशराज्यमन्त्री सुल्तान वीन साद वीन सुल्तान अल मुराइखीबीच भेटवार्ता भएको छ । आठौँ हिन्द महासागरीय सम्मेलनमा सहभागिताका लागि ओमनको मस्कटमा रहेका उनीहरुबीच आज साइडलाइन भेटवार्ता भएको हो।

भेटमा उनीहरुबीच नेपाल कतारबीचको सम्बन्ध, द्विपक्षीय हित र पारस्पारिक लाभका विविध विषयका साथै कतारमा नेपाली विद्यार्थीलाई छात्रवृत्ति तथा दक्ष प्राविधिक जनशक्तिलगायतका विषयमा कुराकानी भएको थियो।

मन्त्री डा. राणाले हमास समूहको नियन्त्रणमा रहेका नेपाली युवा विपिन जोशीको रिहाइका लागि सहयोग गरिदिन मन्त्री मुराइखीसँग आग्रह गरेकी थिइन् ।

मन्त्री डा.राणाले इजरायल सरकार र हमासका बीचमा मध्यस्थता गरी युद्धविराम र शान्ति वार्ताका लागि कतार सरकारले निर्वाह गरेको भूमिकाको प्रशंसा गर्दै हमासको नियन्त्रणमा रहेका विपिनको रिहाइका लागि विशेष पहल गरिदिन आग्रह गरेकी थिइन् ।

प्रकाशित मिति: आइतबार, फागुन ४, २०८१ १६:१६

प्रतिक्रिया दिनुहोस्