काठमाडौं। शनिबार बिहान बूढानीलकण्ठ मन्दिरको वातावरण विशेष र जीवन्त देखिन्छ। बिहानको घामका किरण भगवान् विष्णुको मूर्तिमा पर्नुअघि नै मन्दिर परिसर भक्तजनले पुगिसकेका हुन्छन्।
मन्दिर बाहिरको दृश्यले भक्तिभावको शुरुवातलाई झल्काउँछ। व्यापारी भक्तजनलाई पूजाको सामग्री दिनमा रमाइरहेका छन्।
भक्तजन लामबद्ध भएर भगवान् विष्णुको दर्शनका लागि प्रतीक्षा गरिरहेका छन्। हातमा फूल, दियो र पूजा सामग्री लिएर मन्दिरभित्र पस्दैछन्। घण्टी बजाउँदै, शिवलिंगमा जल चढाउँदै, र भगवान् विष्णुको अगाडि हात जोडेर प्रार्थना गर्ने दृश्यले मन्दिरको माहोल अझै पवित्र बनाउँछ। भक्तजनको मनको शान्ति र उनीहरूको गहिरो आस्था हरेक क्रियाकलापमा प्रष्ट देख्न सकिन्छ।
मन्दिरभित्रको माहोल पनि उत्तिकै व्यस्त र शान्त छ। पुजारीले भगवान् सुतेका विष्णुको मूर्तिलाई स्नान गराउँदै छन्। पूजा सम्पन्न भएपछि पुजारीले भव्य आरती गर्दछन्।
आरतीमा दीप र अगरबत्तीको झिलिमिलीले मन्दिरको वातावरण उज्यालो र पवित्र बनाउँछ। आरतीपछि, पुजारीले भक्तजनमाथि पवित्र जल छर्केर उनीलाई आशीर्वाद दिन्छन्।
शनिबार बिहानको बूढानीलकण्ठ मन्दिरको यो माहोल भक्ति र परम्पराको प्रतिविम्ब हो। यो न केवल धार्मिक अनुभव हो, तर मानिसको आस्था, शान्ति र परम्परालाई जीवन्त बनाउने एक अनुपम दृश्य हो। यो ठाउँ पुग्दा मात्र पनि आत्मिक शान्ति र सकारात्मक ऊर्जा पाउने त्यहाँ पुग्ने व्यक्ति बताउँद छन्।
