ललितपुरमा फुडमाण्डु वानमार्टको नयाँ सञ्चालन

कर्पोरेट बजार

गृहपृष्ठ
कर्पोरेट बजार

ललितपुरमा फुडमाण्डु वानमार्टको नयाँ सञ्चालन

क्यापिटल नेपालशुक्रबार, फागुन २, २०८१

काठमाडौं। नेपालको पहिलो र सबैभन्दा लोकप्रिय फुड डेलिभरी कम्पनी फुडमाण्डुको ग्रोसरी डेलिभरी सेवा फुडमाण्डु वानमार्टले ललितपुरमा पनि आफ्नो सेवा विस्तार गरेको छ। अब उक्त क्षेत्रका ग्राहकहरूको दैनिक आवश्यक सामानको किनमेल अझ सहज हुने भएको छ।

सुरुवातमा वानमार्टको सेवा गैरीधाराको ३ किलोमिटर क्षेत्रभित्र सीमित रहेको थियो। अब ललितपुर क्षेत्रमा यो सेवा फैलिएको छ। जसमा जावलाखेल, लगनखेल, सातदोबाटो, इमाडोल, सानेपा, धोबीघाट, भैँसेपाटी, नक्खु र बालकुमारी क्षेत्र समावेश रहेका छन्। यी क्षेत्रका ग्राहकले अब ७ सयभन्दा बढी गुणस्तरीय सामान सजिलै अर्डर गरी तुरुन्त डेलिभरी प्राप्त गर्न सक्ने छन्।

फुडमाण्डुका संस्थापक तथा प्रबन्ध निर्देशक मनोहर अधिकारीले यस अवसरमा बोल्दै भने, “हामी सधैँ आफ्ना ग्राहकहरूको जीवनलाई अझ सहज बनाउने उपायको खोजीमा छौँ। ललितपुरमा फुडमाण्डु वानमार्टको सेवा विस्तार गर्नु हाम्रो लागि थप अर्को एक सिढी हो। जसले अब त्यस क्षेत्रका ग्राहकवर्गको दैनिक किनमेललाई पनि खाना अर्डर गरे जस्तै सजिलो बनाउने छ।”

यस विस्तारसँगै फुडमाण्डु वानमार्टले गुणस्तरीय सामानको तुरुन्त डेलिभरीका साथ साथै झन्झटमुक्त किनमेलको अनुभव प्रदान गर्दै ग्राहक सन्तुष्टि सुनिश्चित गर्ने लक्ष्य राखेको छ। कम्पनीले आगामी दिनमा अन्य धेरै क्षेत्रमा सेवा विस्तार गर्दै अनलाइन ग्रोसरी किनमेलको बढ्दो मागलाई पूरा गर्ने योजना बनाएको छ।

प्रकाशित मिति: शुक्रबार, फागुन २, २०८१ १७:४९

प्रतिक्रिया दिनुहोस्