महायज्ञबाट झण्डै पाँच करोड दान रकम संकलन

समाज

गृहपृष्ठ
समाज

महायज्ञबाट झण्डै पाँच करोड दान रकम संकलन

क्यापिटल नेपालबिहीबार, फागुन १, २०८१

कैलाली। मानवसेवा आश्रमले धनगढीमा सञ्चालन गरेको महायज्ञमा ४ करोड ८४ लाख रकम संकलन गरेको छ। धनगढीमा मानवसेवा आश्रमको भवन निर्माण गर्ने उद्देश्यले सञ्चालित महायज्ञमा उक्त रकम दाताबाट संकलन भएको हो।

एक सातासम्म सञ्चालित महायज्ञमा सहभागी दानदाताले गक्षअनुसारको दान गरेर सडक आश्रित व्यक्तिका लागि भवन निर्माणमा सहयोग पुर्‍याएका मानव सेवा आश्रमका सल्लाहकार सिद्धराज पनेरुले बताए।

महायज्ञ गत माघ २३ गतेदेखि ३० गतेसम्म सञ्चालन भएको थियो। महायज्ञमा भाष्कर कमलनयन गौतमले संगीतमय श्रीमद् भागवत् कथा वाचन गरिएको थियो।

विसं २०७५ मंसिर १ गते धनगढी उपमहानगर ५ तारानगरमा घर भाडामा लिई सेवा शुभारम्भ गरेको आश्रमले आफ्नै भवन निर्माणको पहल थालेको सल्लाहकार पनेरुले बताए।

शाखाले हालसम्म सुदूरपश्चिम प्रदेशका विभिन्न जिल्लाका ३८८ जनाभन्दा बढी बेसहारा, असहाय, अभिभावकविहीन, जीवन जोखिममा रहेका सहयोगापेक्षी सडक मानवको उद्धार गरी सेवा प्रदान गर्दै आएको छ।

प्रकाशित मिति: बिहीबार, फागुन १, २०८१ १३:३६

प्रतिक्रिया दिनुहोस्