लुम्बिनी केबलकार र पश्चिम नेपाल बस व्यवसायीबीच सहकार्य, केबलकारको टिकटमा २० प्रतिशत छुट

पर्यटन

गृहपृष्ठ
पर्यटन

लुम्बिनी केबलकार र पश्चिम नेपाल बस व्यवसायीबीच सहकार्य, केबलकारको टिकटमा २० प्रतिशत छुट

क्यापिटल नेपालबिहीबार, फागुन १, २०८१

काठमाडौं। लुम्बिनी केबलकार लिमिटेड र पश्चिम नेपाल बस व्यवसायीबीच व्यावसायिक सहकार्यसम्बन्धी सम्झौता भएको छ। सम्झौताबमोजिम पश्चिम नेपाल बस व्यवसायमा आबद्ध व्यवसायी र यात्रुहरूले लुम्बिनी केबलकारको टिकटमा २० प्रतिशत छुट पाउने छन्।

यात्रुले पश्चिम नेपाल बस व्यवसायीमा आबद्ध बसमा यात्रा गरेको टिकट देखाए ३ महिनाभित्र २० प्रतिशत छुटको सुविधा लिन सक्ने छन्। सम्झौता पत्रका लुम्बिनी केबलकारका तर्फबाट म्यानेजर प्रज्वल घिमिरे र पश्चिम नेपाल बस व्यवसाय सञ्चालक समितिको तर्फबाट अध्यक्ष दधिराम खरेलले हस्ताक्षर गरेका हुन्।

रुपन्देहीको बुटवल उपमहानगर गोल पार्क केबलकार चोकमा बटम स्टेसन रहेको लुम्बिनी केबलकारको पाल्पाको वसन्तपुरमा टप स्टेसन रहेको छ। केबलकारको टप स्टेसनमा नेपालको एक मात्र शक्तिपीठ माँ कामाख्याको मन्दिर रहेको छ।

केबलकारको यात्राबाट एकै साथ तराई, पहाड र हिमालको दृश्यावलोकन गर्न सकिन्छ। पश्चिम नेपाल बस व्यवसायी नेपालको पुरानो र ठूलोमध्येको एक व्यावसायिक संस्था हो। यस प्रालिमा हाल २३ सयभन्दा बढी बस सञ्चालनमा रहेका छन्।

प्रकाशित मिति: बिहीबार, फागुन १, २०८१ ११:५३

प्रतिक्रिया दिनुहोस्