एक महिने स्वस्थानी व्रत समापन, शाली नदीमा भक्तजनको घुइँचाे (तस्बिरसहित)

फोटो फिचर

गृहपृष्ठ
फोटो फिचर

एक महिने स्वस्थानी व्रत समापन, शाली नदीमा भक्तजनको घुइँचाे (तस्बिरसहित)

क्यापिटल नेपालबुधबार, माघ ३०, २०८१

पुस शुक्ल पूर्णिमादेखि सुरु भएको एक महिने स्वस्थानी व्रत कथा आज विधिवत् रुपमा समापन गरिँदै छ। वैदिक सनातन हिन्दु धर्मावलम्बीले घरघरमा सुरु गरेको एक महिने स्वस्थानी व्रत आज विधिपूर्वक समापन गर्न लागिएको हो। नित्य मध्याह्नकालमा पार्वतीसहित महादेवको पूजा गरेका देशभरका भक्तजनले आज व्रत समापन गर्दै छन्।

स्कन्द पुराणअन्तर्गत केदार खण्डको माघ माहात्म्यमा कुमार र अगस्त्यबीच भएको संवादलाई स्वस्थानी कथाका रुपमा भन्ने र सुन्ने काम पनि आजैदेखि सकिनेछ। व्रतको अन्तिम दिन आज साँखुस्थित शाली नदीमा श्रद्धालुहरूको भीड लागेको छ।

यस्तै, हरेक वर्ष पौषशुक्ल पूर्णिमादेखि माघ शुक्ल पूर्णिमासम्म लाग्ने माधवनारायण मेला आज बिहान भक्तपुरको हनुमानघाटस्थित त्रिवेणीधाममा स्नान गरी माधवनारायणको पूजा गरेपछि व्रत समापन गरिएको छ।

माधवनारायणको व्रत बस्ने व्यक्तिले व्रत सुरु हुनु अघिल्लो दिनदेखि निराहार बस्नुपर्ने, बिहानै त्रिवेणीमा स्नान गरी चोखो जल तथा पूजा सामग्रीले पूजा गर्नुपर्ने, शङ्ख जल ग्रहण गरी मन्त्रोच्चारण गर्नुपर्ने, शङ्ख जल ग्रहण गरेपछि कसैलाई छुन नहुने तथा जुत्ता लगाउन नहुने परम्परा रहेको छ। ने.सं ७२२ मा रणजीत मल्ल आफैँले ब्रतको व्यवस्थापन गरिएका शिलालेखमा उल्लेख गरिएको छ।

Swasthani-barta-katha_Nepal-photo-Library16-1739339934.jpg