ग्लोबल टेक्निसियन प्रतियोगितामा नेपालका विनोद महर्जन प्रथम रनर–अप

अटो

गृहपृष्ठ
अटो

ग्लोबल टेक्निसियन प्रतियोगितामा नेपालका विनोद महर्जन प्रथम रनर–अप

क्यापिटल नेपालमंगलबार, माघ २९, २०८१

काठमाडौं। अल्फा अटोमोटिभ प्रालिका दक्ष टेक्निसियन विनोद महर्जन ‘सुपर स्क्वाड ३.०’ ग्लोबल टेक्निसियन कम्पिटिसनमा पहिलो रनर–अप भएका छन।

२०२५ फेब्रुअरी ६ मा भारतको चेन्नईमा सम्पन्न उक्त प्रतियोगितामा विनोदले पहिलो रनर–अपको स्थान हासिल गरेका हुन्।

महर्जन रोयल इनफिल्ड नेपालको आधिकारिक बिक्रेता अल्फा अटोमोटिभ प्रालिअन्तर्गत नक्साल सर्भिस सेन्टरका सिनियर टेक्निसियन हुन्।
मोटरसाइकल मर्मत तथा प्रविधिगत समस्याको समाधान गर्ने सीपमा आधारित यो प्रतियोगिता विश्वभरका ४० देशबाट छनोट भएका उत्कृष्ट टेक्निसियनबीच प्रतिस्पर्धा भएको थियो।

चेन्नईको कार्यक्रममा रोयल इनफिल्ड इन्डियाका ग्लोबल प्रोडक्ट हेड प्रदीप मेथ्युले महर्जनलाई बधाइसहित प्रमाणपत्र वितरण गरेका थिए। नेपालका प्राविधिक पनि अन्तर्राष्ट्रिय स्तरमा प्रतिस्पर्धा गर्न सक्षम छन् भन्ने महर्जनको उपलब्धिले पुष्टि गरेको कम्पनीले जनाएको छ।

यो सफलतापछि नेपाली टेक्निसियनको सीपलाई अझै निखार्ने अवसर सिर्जना गर्न अल्फा अटोमोटिभ आगामी दिनमा प्रतिबद्ध रहने सन्देश दिएको कम्पनीले उल्लेख गरेको छ।

प्रकाशित मिति: मंगलबार, माघ २९, २०८१ १२:३४

प्रतिक्रिया दिनुहोस्