को–को परे केयू उपकुलपतिको सर्ट लिस्टमा? फागुन २ र ३ मा अन्तर्वार्ता

समाज

गृहपृष्ठ
समाज

को–को परे केयू उपकुलपतिको सर्ट लिस्टमा? फागुन २ र ३ मा अन्तर्वार्ता

क्यापिटल नेपालसोमबार, माघ २८, २०८१

काठमाडौं। काठमाडौं विश्वविद्यालय (केयू)को उपकुलपति छनोट समितिले १० जना प्रतिस्पर्धीहरुको सूची सार्वजनिक गरेको छ। उपकुलपति छनोट समितिले आवेदन दिएका मध्ये २० जनाबाट १० जनाको नाम सर्ट लिष्टको रुपमा सोमबार सार्वजनिक गरेको हो।

समितिले वर्णानुक्रम अनुसार नामावली सार्वजनिक गरेको छ। सर्ट लिस्टमा परेकाहरूमा प्राध्यापक डाक्टरहरू अच्युत वाग्ले, कन्हैया झा, जर्नादन लामिछाने, बालचन्द्र लुँइटेल, विभूति रञ्जन झा, वेदमणी दाहाल, भोला थापा, राजेन्द्र प्रसाद कोजु, श्याम नारायण लाभ र सुबोध शर्मा रहेका छन्।

छनोट समितिका अनुसार आगामी फागुन २ र ३ गते अन्तर्वार्ता हुनेछ। सर्ट लिस्टमा परेका १० जनाबाट ३ जनाको नाम छनोट समितिले कुलपतिसमक्ष सिफारिस गर्ने छ।