घर भाडामा लिएर ठगी धन्दा चलाउने पक्राउ, ३ अर्ब अवैध कारोबार गरेको भेटियो

समाज

गृहपृष्ठ
समाज

घर भाडामा लिएर ठगी धन्दा चलाउने पक्राउ, ३ अर्ब अवैध कारोबार गरेको भेटियो

क्यापिटल नेपालसोमबार, माघ २८, २०८१

काठमाडौं। प्रहरीले काठमाडौंको बूढानीलकण्ठस्थित एक घरमा छापा मारी २३ जना भारतीय नागरिकलाई पक्राउ गरेको छ। जिल्ला प्रहरी परिसर काठमाडौंको विशेष टोलीले आइतबार उक्त घरमा छापा मारेको हो।

घरमा छापा मारी प्रहरीले ८८ थान मोबाइल, १० थान ल्यापटप र ८१ हजार रुपैयाँ बरामद गरिएको परिसरले जनाएको छ। प्रहरीका अनुसार भारतीय नागरिकले पूरै घर भाडामा लिएर अवैध कारोबार गर्दै आएका थिए।

उनीहरूले ३६० नामक एक बेटिङ साइटमार्फत सट्टेबाजी, अनलाइन ठगी गर्ने गरेका थिए। ठगीको रकमसमेत भारतीय नागरिककै बैंक खातामार्फत भुक्तान हुने गरेको थियो।

प्रहरीका अनुसार उक्त घरबाट क्रिप्टो कारोबारदेखि अवैध ठगीधन्दा चलाउन उनीहरूले घर भाडामा लिएका हुन्। साँझ तरकारी किन्न घरबाट एक युवक बाहिर निस्किएको समयमा प्रहरी टोली घरभित्र प्रवेश गरेको थियो।

पक्राउ परेका भारतीय नागरिकमाथि प्रहरीले अनुसन्धान सुरु गरेको छ। उनीहरूले तीन अर्ब रुपैयाँभन्दा बढी रकम अवैध कारोबार गरेको प्रारम्भिक अनुसन्धानमा देखिएको प्रहरीले जनाएको छ।

प्रकाशित मिति: सोमबार, माघ २८, २०८१ १४:४४

प्रतिक्रिया दिनुहोस्