महालक्ष्मी विकास बैंकद्धारा कल सेन्टरको सुरुवात

बैंकिङ

गृहपृष्ठ
बैंकिङ

महालक्ष्मी विकास बैंकद्धारा कल सेन्टरको सुरुवात

क्यापिटल नेपालआइतबार, माघ २७, २०८१

काठमाडौं। महालक्ष्मी विकास बैंकले ग्राहकलाई अत्याधुनिक, सुरक्षित तथा सहज बैंकिङ्ग सुविधा उपलब्ध गराउन बैंकको नीति बमोजिम “महालक्ष्मी कल सेन्टर” सञ्चालनमा ल्याएको छ। बैंकिङ्ग सेवाको रुपान्तरणकारी परिवर्तन स्वरुप परम्परागत रुपमा उपलब्ध सेवामा थप विस्तार गर्दै सेवाको सुरु गरेको हो।

बैंकले सञ्चालनमा ल्याएको “महालक्ष्मी कल सेन्टर”बाट ग्राहक सहायतासम्बन्धी जानकारी प्रदान गर्ने, गा्रहकहरुको जिज्ञासा तथा गुनासोको सम्बोधन गर्ने, वित्तीय सेवासम्बन्धी जानकारी प्रदान गर्ने, डिजिटल बैंकिङ्गसम्बन्धी आइपर्ने प्राविधिक समस्याहरुको सम्बोधन गर्ने, ग्राहकबाट आउने उजुरीको अभिलेख राखेर निराकरणको लागि प्रक्रिया अगाडि बढाउने लगायत काम गर्ने छ।

यसअन्र्तगत ग्राहकहरुले फोन नम्बर ०१-५९७०९७३ मा सीधा सम्पर्क गर्न सक्ने छन्। यसका साथै। इमेल ठेगाना [email protected] इमेल गर्न सक्ने छन्। यसबाट ग्राहकहरुको समस्याको व्यवस्थापन र समाधान गर्न सहज हुने तथा ग्राहक सेवा प्रणालीलाई अझ प्रभावकारी रुपमा सञ्चालन गर्न सहयोग पुग्ने विश्वास लिइएको छ।

बैंकले हालै ग्राहकलाई अत्याधुनिक, सुरक्षित तथा सहज डिजिटल बैंकिङ्ग सुविधा उपलब्ध गराउने बैंकको नीति बमोजिम मोबाइल एप्लिकेसनलाई परिष्कृत गर्दै “महालक्ष्मी स्मार्ट साथी” सञ्चालनमा ल्याएको छ।

प्रकाशित मिति: आइतबार, माघ २७, २०८१ १४:५३

प्रतिक्रिया दिनुहोस्