अध्यादेशमा सहयोग गर्न नसक्ने वर्षमानको भनाइमा शंकरले गरे टिप्पणी

राजनीति

गृहपृष्ठ
राजनीति

अध्यादेशमा सहयोग गर्न नसक्ने वर्षमानको भनाइमा शंकरले गरे टिप्पणी

क्यापिटल नेपालआइतबार, माघ २७, २०८१

काठमाडौं। नेकपा एमालेमा महासचिव शंकर पोखरेलले प्रमुख प्रतिपक्षी दल नेकपा माओवादी केन्द्रका नेता वर्षमान पुनसँग भएको कुराकानीको खण्डन गरेका छन्। यसअघि नेता पुनले महासचिव पोखरेलले अध्यादेशमा सहयोग माग्ने उद्देश्यले फोन गरेको बताएका थिए।

पुनको भनाइलाई खण्डन गर्दै आइतबार बिहान पोखरेलले ‘वर्षमान जीसँगको फोनको कुरा’बारे भन्दै आफ्नो सामाजिक सञ्जाल फेसबुकमा टिप्पणी गरेका हुन्। पार्टी काममा पाल्पा पुगेका बेला पोखरेलले आफूलाई फोन गरेको पुनले बताएका थिए।

महासचिव पोखरेलले पुनसँगको संवाद कम्युनिष्ट एकताको सन्दर्भमा पनि हुन सक्ने संकेत गरे। तर, दुई नेताबीचको कुराकानी सार्वजनिक खपतका लागि प्रयोग भएको भन्दै उनी असन्तष्ट बनेका हुन्।

‘जहाँसम्म राजनीतिक ध्रुवीकरणका सन्दर्भमा त्यसप्रति नेकपा एमालेको नीति स्पष्ट छ। विगतमा नेताका टाउका जोडेर गरिएको पार्टी एकता असफल भयो। अब पुनः त्यही काम गर्नु उचित हुँदैन। कार्यकर्ताका मन जोडेर बलियो कम्युनिष्ट आन्दोलको निर्माण अबको बाटो हो। वर्षमान जीलाई फोन गर्नुको अन्तर्य त्यसका लागि वातावरण तयार गर्नु पनि त हुन सक्दछ,’ उनले भने।

नेपाली कांग्रेस र नेकपा एमालेसहित दलहरू बनेको प्रधानमन्त्री केपी शर्मा ओली नेतृत्वको सरकारले संसदको दुवै सदनमा अध्यादेश पेश गर्ने तयारी गरेको छ। यता, राष्ट्रियसभामा माओवादीको बहुमत भएकाले दुवै ठूला दलले अध्यादेश पेश गर्न कठिन रहेको छ।

प्रकाशित मिति: आइतबार, माघ २७, २०८१ ११:५५

प्रतिक्रिया दिनुहोस्