वीरगन्जमा शशीला मोटर्सको ईभी बिक्री केन्द्र, थप चार स्थानमा खुल्दै

अटो

गृहपृष्ठ
अटो

वीरगन्जमा शशीला मोटर्सको ईभी बिक्री केन्द्र, थप चार स्थानमा खुल्दै

क्यापिटल नेपालशुक्रबार, माघ २५, २०८१

काठमाडौं। शशीला मोटर्स प्रालिले पर्साको वीरगन्जमा नयाँ बिक्री केन्द्र सञ्चालनमा ल्याएको छ। प्रतिमा चोकस्थित नयाँ बिक्री केन्द्र उद्घाटन मधेस प्रदेशसभा सांसद तथा पूर्वराज्यमन्त्री रहबर अन्सारीले गरेका हुन्।

कार्यक्रममा अन्सारीले विद्युतीय सवारी प्रयोगलाई प्रवर्द्धन गर्नुपर्ने बताउँदै विद्युतको आन्तरिक खपत बढाउने नीति अवलम्बन गर्नुपर्नेमा जोड दिए। उनले विद्युतीय सवारी साधन प्रयोगले इन्धन आयात घटाउनुका साथै वातावरणीय प्रदूषण न्यूनीकरणमा महत्वपूर्ण योगदान पुग्ने बताए।

शशीला मोटर्सका प्रबन्ध निर्देशक सन्तोष खतिवडाले कम्पनीले जहिल्यै गुणस्तरीय सेवा दिँदै आएको र त्यसलाई निरन्तरता दिने प्रतिबद्धता जनाए। उनले बिक्री मात्र नभई बिक्रीपछिको सेवा सहज र प्रभावकारी बनाउने लक्ष्य रहेको उल्लेख गरे।

कम्पनीले वीरगन्ज शाखा तथा सिमरा वर्कसप सञ्चालनमा आइसकेपछि बर्दिवास, दाङ, नेपालगन्ज र बुटवलमा समेत छिट्टै शाखा विस्तार गर्ने योजना रहेको जानकारी दिएको छ।

उद्घाटन अवसरमा शशीला मोटर्सले पाँच वटा विद्युतीय माइक्रोबस ग्राहकलाई हस्तान्तरण गरेको छ। यसअघि कम्पनीले बाराको सिमरामा रहेको मल्टिप्रपोज यातायात प्रालिलाई ३० वटा माइक्रोभ्यान हस्तान्तरण गरिसकेको छ।

शशीला मोटर्सले हाइगर, किटोन, भेन्चीलगायत विभिन्न ब्रान्डका विद्युतीय सवारी साधन बिक्री गर्दै आएको छ।

प्रकाशित मिति: शुक्रबार, माघ २५, २०८१ १३:४६

प्रतिक्रिया दिनुहोस्