रिडी-बल्कोट सडक एक महिना बन्द, यस्तो छ नयाँ रुट

पूर्वाधार

गृहपृष्ठ
पूर्वाधार

रिडी-बल्कोट सडक एक महिना बन्द, यस्तो छ नयाँ रुट

क्यापिटल नेपालशुक्रबार, माघ २५, २०८१

काठमाडौं। मदन भण्डारी राजमार्ग सडकअन्तर्गत पर्ने गुल्मीको रिडी-बल्कोट सडक एक महिना बन्द हुने भएको छ। सडक खण्डअन्तर्गत रुरुक्षेत्र गाउँपालिका १ साँखराभिरमा चट्टान फोरेर सडक चौडा बनाउने काम सुरु भएपछि यातायात सञ्चालन बन्द गरिएको हो।

मदन भण्डारी राजमार्ग योजना कार्यालय गुल्मीले सार्वजनिक सूचना जारी गर्दै आजदेखि आगामी फागुन २० गतेसम्म सडक बन्द गरिएकोे जनाएको छ।

मदन भण्डारी राजमार्ग योजना कार्यालयका निमित्त योजना प्रमुख हुमनाथ पौडेलले जोखिम हुनसक्ने भएकाले केही समय वैकल्पिक सडक प्रयोग गर्न आग्रह गरे।

सडक बन्द भएपछि कार्यालयले वैकल्पिक मार्गका रुपमा सातमुरेदेखि-श्रृङ्गा बलेटक्सार हुँदै रिडी, सातमुरदेखि-सिजिको बाटो हुँदै पाल्पाको हार्थोक र रिडीको सातमुरे रहदेखि-ठाडो खोला हुँदै रिडी सडक प्रयोगमा ल्याएको छ।

कार्यालयले आवश्यक समन्वय र सहजीकरण गर्न गुल्मी र अर्घाखाँची जिल्ला समन्वय समिति, जिल्ला प्रशासन, जिल्ला प्रहरी कार्यालय, रुरुक्षेत्र गाउँपालिका, छत्रकोट गाउँपालिका, छत्रदेव गाउँपालिका, सशस्त्र प्रहरी बल गुल्म उर्लेनी, उद्योग वाणिज्य संघ र पश्चिम नेपाल बस व्यवसायी समितिलाई आग्रह गरेको छ।

प्रकाशित मिति: शुक्रबार, माघ २५, २०८१ १२:३४

प्रतिक्रिया दिनुहोस्