नबिल बैंकले देशभर रहेका ११२ ठाउँको सम्पत्ति बिक्री गर्ने

बैंकिङ

गृहपृष्ठ
बैंकिङ

नबिल बैंकले देशभर रहेका ११२ ठाउँको सम्पत्ति बिक्री गर्ने

क्यापिटल नेपालशुक्रबार, माघ २५, २०८१

काठमाडौं। नबिल बैंकले काठमाडौं उपत्यकासँगै देशका विभिन्न स्थामा रहेको जग्गा बिक्री गर्ने भएको छ। बैंकले आफ्नो स्वामित्वमा रहेको ११२ ठाउँको जग्गा बिक्री गर्ने सूचना जारी गरेको हो।,

बैंकको आफ्नो स्वामित्वमा रहेको गैरबैंकिङ सम्पत्ति जस्तो अवस्थामा छ सोही अवस्थामा बोलकबोलमार्फत बेचबिखन गर्ने उल्लेख गरेको हो। उक्त जग्गा खरिद गर्न इच्छुक व्यक्ति तथा कम्पनीले १५ दिनभित्र बैंकको केन्द्रीय कार्यालयमा सिलबन्दी बोलपत्र पेश गर्न सक्ने छन्।

बोलपत्र बुझाउने अन्तिम दिन बैंक बिदा भएमा बिदालगत्तै बैंक खुलेको दिनसमेत उक्त दिनको ३ बजे बैंकिङ समयभित्र तोकिएको स्थानमा बोलपत्र बुझाउन सकिने छ।

बोलपत्र स्वीकृत गर्ने वा नगर्नेसम्बन्धी सम्पूर्ण अधिकार बैंकमा सुरक्षित रहने छ। प्रक्रिया पूरा गरी दर्ता हुन आएको बोलपत्रउपर कुनै कारबाही नहुने बैंकले जनाएको छ।