विकासका लागि विज्ञान र प्रविधि आवश्यक- उपप्रधानमन्त्री सिंह

राजनीति

गृहपृष्ठ
राजनीति

विकासका लागि विज्ञान र प्रविधि आवश्यक- उपप्रधानमन्त्री सिंह

क्यापिटल नेपालबिहीबार, माघ २४, २०८१

काठमाडौं। उपप्रधानमन्त्री एवं सहरी विकासमन्त्री प्रकाशमान सिंहले विकासका लागि विज्ञान र प्रविधि आवश्यक रहेको बताएका छन्।

बसुन्धरास्थित साउथवेष्टर्न स्टेट कलेजले आज आयोजना गरेको १३औँ विज्ञान प्रदर्शनीको उद्घाटन गर्दै उनले आगामी दिनमा शिक्षा नीति बनाउँदा विज्ञान र प्रविधिलाई समेट्नुपर्ने बताए।

“विद्यार्थीमा विज्ञान तथा प्रविधिको महत्व जगाउन यस्ता कार्यक्रम फलदायी हुनेछ, हाम्रोजस्तो मुलुकमा विज्ञान र प्रविधिको क्षेत्रमा लगानी बढाउन जरुरी छ,” उपप्रधानमन्त्री सिँहले भने।

राज्यले विज्ञान तथा प्रविधिको क्षेत्रमा पर्याप्त लगानी गर्न नसकेको उनको भनाइ छ। उपप्रधानमन्त्री सिंहले विद्यार्थीले सैद्धान्तिक ज्ञान र सीपलाई व्यावहारिक बनाउन यस्ता प्रदर्शनीले मद्दत पुग्ने बताए।

प्रकाशित मिति: बिहीबार, माघ २४, २०८१ १९:११

प्रतिक्रिया दिनुहोस्