उपेन्द्रले भेटे देउवा र ओली, अध्यादेशबारे चर्चा

राजनीति

गृहपृष्ठ
राजनीति

उपेन्द्रले भेटे देउवा र ओली, अध्यादेशबारे चर्चा

क्यापिटल नेपालबिहीबार, माघ २४, २०८१

काठमाडौं। प्रतिनिधिसभामा बहुमत आँकडा भए पनि राष्ट्रिय सभामा नपुगेपछि सत्तारुढ कांग्रेस र एमालेले जनता समाजवादी पार्टी नेपालको साथ खोजिरहेका बेला अध्यक्ष उपेन्द्र यादवले प्रधानमन्त्री केपी शर्मा ओली र कांग्रेस सभापति शेरबहादुर देउवासँग भेटेका छन्।

अध्यादेशबारे निर्णय लिन बिहान ११ बजे पार्टीको संसदीय दलको बैठक बसिरहेको छ। त्यसअघि यादवले ओली र देउवासँग भेटेर जसपा नेपालको धारणा अवगत गराएका हुन्।

उपाध्यक्ष राजकिशोर यादवको नेतृत्वमा गठन भएको कार्यदलले अध्यादेशबारे तयार पारेको प्रतिवेदन आजको बैठकमा पेस गर्दै छ। सांसदसँगको छलफलपछि जसपा नेपालले अध्यादेशबारे आधिकारिक निर्णय सार्वजनिक गर्ने बुझिएको छ।

अध्यक्ष यादव र सभापति देउवाबीचको भेटबारे कांग्रेस प्रमुख सचेतक श्याम घिमिरेले जसपा नेपालको पनि समर्थनमा अध्यादेश स्वीकृत हुने बताए।

उनले भने, ‘जसपा नेपाल अहिले पनि सरकारलाई सहयोग गरिरहेको छ। उहाँहरू अध्यादेश पारित गर्न सकारात्मक हुनुहुन्छ। अध्यादेशको विषयलाई लिएर विरोध गर्नुपर्ने कुनै कारण छैन।’

प्रतिनिधिसभामा कांग्रेस र एमालेमात्रैको पनि बहुमत छ, तर राष्ट्रिय सभामा सत्तापक्षलाई बहुमत पुर्याउन ३ सांसद भएको जसपा नेपालको साथ चाहिन्छ।

प्रकाशित मिति: बिहीबार, माघ २४, २०८१ १२:३४

प्रतिक्रिया दिनुहोस्