६ महिनामा कर्मचारी सञ्चय कोषको धितोपत्र लगानी ६ अर्ब ७ करोड

बैंकिङ

गृहपृष्ठ
बैंकिङ

६ महिनामा कर्मचारी सञ्चय कोषको धितोपत्र लगानी ६ अर्ब ७ करोड

क्यापिटल नेपालबिहीबार, माघ २४, २०८१

काठमाडौं। कर्मचारी सञ्चय कोषले चालू आर्थिक वर्षको ६ महिनामा धितोपत्र बजारमा १६ अर्ब ७ करोड ३६ लाख रुपैयाँ लगानी गरेको विवरण सार्वजनिक गरेको छ। कोषले यो अवधिमा धितोपत्रमा ५३ प्रतिशतले लगानी बढाएको हो।

तथ्यांकअनुसार २०८१ पुससम्म धितोपत्रको लगानी ४६ अर्ब ३९ करोड ४५ लाख रुपैयाँ पुगेको छ। गत असारसम्म कोषले ३० अर्ब ३२ करोड ९ लाख रुपैयाँ धितोपत्रमा लगानी गरेको थियो।

चालू आवको पुस मसान्तसम्ममा कोषको बैंक तथा वित्तीय संस्थामा १ खर्ब ५० अर्ब ३२ करोड रुपैयाँ नगद मौज्दात रहेको छ। गत असारसम्म १ खर्ब ६७ अर्ब ९० करोड रुपैयाँ मौज्दात थियो।

कोषले विभिन्न आयोजना, परियोजना तथा संस्थामा ऋण तथा सेयर लगानी गर्छ। कोषले गत पुससम्म २ अर्ब ७५ अर्ब ३९ करोड ५१ लाख रुपैयाँ सञ्चयकर्तालाई कर्जा तथा सापटी दिएको छ।

कोषमा सञ्चयकर्ताको ५ खर्ब ३६ अर्ब ४३ करोड रुपैयाँ मौज्दात छ भने निवृत्तभरण कोषमा १३ अर्ब १५ करोड रुपैयाँ छ । जगेडा कोष तथा बचतमा ४२ अर्ब ३४ करोड छ।। ५ लाख ८२ हजार बढी सञ्चयकर्ता रहेको कोषको कुल सम्पति ५ खर्ब ९७ अर्ब ८१ करोड ५४ लाख पुगेको छ।

सञ्चयकर्ताले सञ्चय कोषबाट विशेष सापटी, घर सापटी, शैक्षिक ऋण, सरल कर्जा र घर मर्मत सापटी शीर्षकमा ऋण सुविधा पाउँछन्।