नेपालमा फेसबुक बन्द हुने भएको हो?

प्रविधि

गृहपृष्ठ
प्रविधि

नेपालमा फेसबुक बन्द हुने भएको हो?

क्यापिटल नेपालबुधबार, माघ २३, २०८१

काठमाडौं। सञ्चार तथा सूचना प्रविधिमन्त्री पृथ्वीसुब्बा गुरुङले फेसबुकलगायत सामाजिक सञ्जाललाई प्रतिबन्ध गर्ने बताएका छन्। उनले मेटा (फेसबुक, भाइबर, इन्ट्राग्रामलगायत)लाई बोलाइरहेको बताउँदै सबै सामाजिक सञ्जाल नेपालमा दर्ता नभए प्रतिबन्ध लगाउने बताएका हुन्।

‘हामीसँग अहिले दर्ता भएर प्वाइन्ट अफ कनट्र्याक्ट तोकेर बसेको टिकटक मात्रै छ। मेटालाई बोलाइरहेका छौँ, आउँछ कि आउँदैन, हेर्न बाँकी छ। धेरै डिजिटल प्लेटफर्महरू छन् नि!, त्यो सरकारमा दर्ता भएर मात्रै चलाउन पाउनुपर्छ,’ उनले भने, ‘दर्ता भएपछि प्वाइन्ट अफ कन्ट्र्याक्ट तोक्नुपर्छ। कन्टेन्टमा गल्ती गरे कसलाई समात्न सक्छौँ। त्यसलाई कारवाही गर्ने ठाउँ हामीले पाउनुपर्छ।’

उनले सबै कानूनअनुसार चल्नुपर्ने बताउँदै दर्ता नगरे सामाजिक सञ्जाल प्लेटफर्म प्रतिबन्ध लाग्ने बताएका हुन्। ‘हामीले धेरै पटक भनेका छौँ। जोजो आउँदैन त्यो खारेज हुन्छ। त्यो चल्न प्रतिबन्ध हुन्छ,’ उनले थपे।