विदेशबाट पनि श्रम स्वीकृति, ओमनस्थित नेपाली दूतावासले थाल्यो सेवा

रोजगार

गृहपृष्ठ
रोजगार

विदेशबाट पनि श्रम स्वीकृति, ओमनस्थित नेपाली दूतावासले थाल्यो सेवा

क्यापिटल नेपालबुधबार, माघ २३, २०८१

काठमाडौं। विदेशबाट पनि सरकारले श्रम स्वीकृति दिन थालेको छ। मस्कटस्थित नेपाली दूतावासले ओमानको सलालाबाट गत शुक्रबारदेखि यस्तो सेवा थालेको हो।

गत शुक्रबार र शनिबार सलालामा आयोजना भएको राजदूतसँग प्रत्यक्ष संवाद, श्रमिक सचेतना, वित्तीय साक्षरता, सामाजिक सुरक्षा कोषमा आबद्धता तथा पासपोर्ट–कन्सुलरसम्बन्धी विशेष कार्यक्रममा श्रम स्वीकृति पनि प्रदान गरिएको दूतावासले मंगलबार जारी गरेको प्रेस विज्ञप्तिमा जनाइएको छ।

विभिन्न माध्यमबाट ओमान पुगेका तर श्रम स्वीकृति नभएका नेपालीलाई राजदूत डोरनाथ अर्याल र वैदेशिक रोजगार विभागका महानिर्देशक सूर्यबहादुर खत्रीले संयुक्त रुपमा श्रम स्वीकृति प्रदान गरेका हुन्।

राजदूत अर्यालले नेपाली श्रमिकहरुको हकहित संरक्षणकालागि हरेक किसिमको सहयोग गर्न तत्पर रहेको बताए भने महानिर्देशक खत्रीले श्रम स्वीकृतिबिना विदेश आउँदा हुने समस्याबारे सचेत गराएको विज्ञप्तिमा उल्लेख छ।

प्रकाशित मिति: बुधबार, माघ २३, २०८१ ०७:४८

प्रतिक्रिया दिनुहोस्