ट्रम्पले भारतीय प्रधानमन्त्री मोदीलाई बोलाए, अर्को हप्ता ह्वाइट हाउस जाँदै

अन्तर्राष्ट्रिय

गृहपृष्ठ
अन्तर्राष्ट्रिय

ट्रम्पले भारतीय प्रधानमन्त्री मोदीलाई बोलाए, अर्को हप्ता ह्वाइट हाउस जाँदै

क्यापिटल नेपालमंगलबार, माघ २२, २०८१

काठमाडौं। अमेरिकी राष्ट्रपति डोनाल्ड ट्रम्पको निमन्त्रणामा भारतीय प्रधानमन्त्री नरेन्द्र मोदीले अर्को हप्ता ह्वाइट हाउस जाने भएका छन्।

ह्वाइट हाउसका एक अधिकारीलाई उद्धृत गर्दै रोयटर्समा जनाइएअनुसार जनवरी २७ मा दुई नेताबीच टेलिफोन वार्ताको भएपछि यो निमन्त्रणा आएको हो। टेलिफोन वार्तामा दुवै नेताले अमेरिका-भारत रणनीतिक साझेदारी र इन्डो-*प्यासिफिक क्वाड साझेदारीलाई अगाडि बढाउन आफ्नो प्रतिबद्धतालाई जोड दिएका थिए।

जनवरी २७ को कुराकानीमा ट्रम्पले आप्रवासनबारे कुरा गरेका थिए भने भारतले थप अमेरिकी-निर्मित सुरक्षा उपकरण किन्ने र द्विपक्षीय व्यापारिक सम्बन्धको महत्त्वमा जोड दिएको थियो।

नेताहरूले प्रधानमन्त्री मोदीको ह्वाइट हाउस भ्रमणको योजना र इन्डो-प्यासिफिक क्वाड साझेदारीबारे पनि छलफल गरेका थिए। भारतले यस वर्ष पहिलो पटक क्वाड नेताहरूको आतिथ्यता गर्दै छ।

विशेष गरी दुई देशको महत्त्वपूर्ण व्यापार सम्बन्ध छ। द्विपक्षीय व्यापार सन् २०२३/२४ मा १ खर्ब १८ अर्ब अमेरिकी डलर नाघेको छ। भारतले ३२ अर्ब अमेरिकी डलरको व्यापार बचत हासिल गरेको छ।

प्रकाशित मिति: मंगलबार, माघ २२, २०८१ १४:४०

प्रतिक्रिया दिनुहोस्